మరో విమాన దుర్ఘటనలో 116 మంది దుర్మరణం

Posted: 07/24/2014 05:29 PM IST

ఎయిర్ అల్జీరియే పాసెంజర్ విమానం ఎయిర్ బస్ ఎ 320 టేక్ ఆఫ్ అయిన తర్వాత గంట సేపటికే ఆచూకీ తెలియకుండా పోయిందని అల్జీరియన్ అధికారులు ప్రకటించారు.  అందులో 110 మంది ప్రయాణీకులు, 6గురు సిబ్బంది ఉన్నారు.  

బుర్కినా ఫాసో నుంచి అల్జీయేర్స్ కి బయలుదేరిన విమానం మాలియర్ ఎయిర్ స్పేస్ లో అల్జీయేర్ సరిహద్దులో ఉండగానే కాంటాక్ట్ తెగిపోయిందని అధికారులు అన్నారు.  సరిహద్దులలోకి ప్రవేశిస్తున్న సమయంలోనే విమానం సిబ్బంది, వెలుతురు సరిగ్గా లేదని, మరో విమానంతో ఢీకొనే అవకాశముంది కాబట్టి దారి మళ్ళించటానికి అనుమతినీయమని కోరినట్లుగా తెలుస్తోంది.  విమానం దిశ మారుస్తూనే కాంటాక్ట్ తెగి పోయిందట.  

ఆనవాయితీ ప్రకారం అల్జీయరే అత్యవసర ప్రణాళికను అమలుపరచింది.  అయితే నైజేర్ దగ్గర ఆ విమానం కుప్పకూలినట్లుగా అయినట్లుగా సమాచారం.  ఇంకా వివరాలు అందవలసివుంది.

-శ్రీజ