అక్బరుద్దీన్ ఒవైసీకి తాజా సమన్లు

Posted: 07/24/2014 01:35 PM IST

విద్వేషభరిత ప్రసంగం చేసిన కేసులో ఎమ్ఐఎమ్ లీడర్, హైద్రాబాద్ చాంద్రాయణ గుట్ట ఎమ్మెల్యే అక్బరుద్దీన్ ఒవైసీకి తాజాగా సమన్లు జారీ అయ్యాయి.  

కుర్లా కోర్టులో కేసు ఫైల్ చేసిన అడ్వొకేట్ గులామ్ హుస్సేన్ ఖాన్ లోగడ జారీచేసిన సమన్ల మీద పోలీసులు కాని హోంమంత్రి కాని స్పందించలేదని కోర్టుకి నివేదించారు.  మే నెలలో ఫైల్ చేసిన ఫిర్యాదును కాగ్నిజెన్స్ గా తీసుకున్న మెట్రోపోలిటన్ జడ్జ్ ఆశిష్ అయాచిత్ వచ్చే నెలలో కోర్టులో హజర్ కావలసిందిగా తాజా సమన్లను జారీచేయటం
జరిగింది.  

అంతకు ముందు మే నెలలోనే సమన్లు జారీ అయ్యాయని, కానీ హైద్రబాద్ పోలీస్ దగ్గర్నుంచి సమన్లు సెర్వ్ చేసిన రిపోర్ట్ రానందువలన మరోసారి కుర్లా మెట్రో పోలిటన్ మేజిస్ట్రేట్ తాజాగా సమన్లను జారీచేసారని ఖాన్ తెలియజేసారు.  

ఖాన్ తన కేసులో 2012 వో అక్బరుద్దీన్ ఆంధ్రప్రదేశ్ లో హిందూ ముస్లింల సామరస్యానికి నష్టం కలిగే విధంగా ప్రసంగించారని ఫిర్యాదు చేసారు.  మతపరంగా మనసుకి గాయమయ్యేట్టుగా ఆ మాటలున్నాయని, అది ఇస్లామ్ కి వ్యతిరేకమని కూడా అందులో పేర్కొనటం జరిగింది.  

-శ్రీజ