కూతురి ఆరోగ్యంపై ఆందోళన చెందుతున్న సంజయ్ దత్

Posted: 07/23/2014 04:53 PM IST

బాలీవుడ్ ఖల్నాయక్ సంజయ్ దత్ కు ఈమధ్య కాలం కలిసిరావడం లేదనే చెప్పుకోవాలి. ఒకవైపు ఆయన జైలుశిక్ష అనుభవిస్తూ తీవ్ర మనోవేదలో వుండగా... ఇప్పుడు ఆయనను కలిచివేసే మరోవార్త వెలుగులోకి వచ్చింది. సంజూభాయి కూతురు ఇక్రా హఠాత్తుగా ఆసుపత్రి పాలయ్యింది. నిన్నొమొన్నటివరకు తన జీవితాన్ని సంతోషంగా ఆస్వాదిస్తున్న ఆ నాలుగేళ్ల పాప... మంగళవారం ఉదయం అస్వస్థతకు గురై ఆసుపత్రి పాలయినట్లు తాజా సమాచారం వెల్లడయ్యింది. చికిత్స నిమిత్తం అమ్మాయిని ముంబయిలోని పెద్దార్ రోడ్ దగ్గర బ్రీచ్ క్యాండీ ఆసుపత్రిలో అడ్మిట్ చేశారు.

వైద్యులు ఆ అమ్మాయికి అందిస్తున్న చికిత్స ఆధారంగా ఆ అమ్మాయి ప్రేగు సమస్యతో బాధపడుతున్నట్టు తెలుస్తోంది. అయితే సదరు ఆసుపత్రి యాజమాన్యం మాత్రం ఇక్రా ఎలా వుందో తెలియజేయడానికి నిరాకరిస్తున్నారు. మీడియా కంటపడకుండా ఒక ప్రైవేట్ రూమ్ లో ఆమెను చికిత్స చేస్తున్నారని చెప్పిన మెడికల్ డైరెక్టర్ గీతా గొప్పికర్ కూడా అమ్మాయి పరిస్థితి గురించి చెప్పడానికి నిరాకరించారు. అయితే సంజయ్ ఫ్యామిలీ ఫ్రెండ్ అయిన ఒకరు అమ్మాయి చాలా బాగానే వుందని, రొటీన్ చెకప్ చేయడానికి కోసమే అమ్మాయిని ఆసుపత్రిలో అడ్మిట్ చేసినట్టు వెల్లడించారు.