భోజనంలో బొద్దింక- ఆగ్రహించిన ‘రాజధాని’ ప్రయాణికులు.

Posted: 07/23/2014 03:47 PM IST

Cockroaches in rajdhani express railway food

చిత్ర విచిత్రాలు అన్ని .. రైల్లోనే జరుగుతాయి. మొన్న ఏకంగా ఎలుకలు ఒక గ్రామాన్నే ఏర్పాటు చేసుకున్నాయి. ఈరోజు ప్రయాణికుడు తినే భోజనంలో.. బొధ్దింకను ఫ్రీగా.. ఇవ్వటం జరిగింది. ఇది రైల్వే అధికారుల నిర్లక్ష్యమో, లేక కాంట్రాక్టర్ల బలుపొ తెలియదు గానీ ప్రయాణికుల ప్రాణాలతో.. చెలగాటం ఆడుతున్నారు. భారీ రేట్లు వసూలు చేసే చేతులకు.. ఇలాంటి భోజనం ఎలా పెడుతున్నారో .. ఎవరికి అర్థం కావటంలేదు.. ‘‘అన్నిట్లు సొంత లాభం చూసుకుంటే.. పై దేవుడు ఏదో ఒకరోజు.. నీ కుటుంబం పై సొంత లాభం చూసుకుంటాడు’’.

అన్నం పరబ్రహ్మ స్వరూపిణి. అందుకే రాజుల కాలం నుండి ..నేటి రాజకీయ నేతల కాలం వరకు.. ‘‘అన్నదానం’’ కార్యక్రమాలు చాలా అరుదుగా జరుగుతున్నాయి. ప్రత్యేక పుణ్యక్షేత్రాల్లో.. నిత్యం అన్నదానం చేస్తున్నారు. రైల్వే కాంట్రాక్టర్లు .. అన్నాన్ని అమ్ముకుంటూ కూడా.. అన్యాయంగా అమాయక ప్రయాణికుల ప్రాణాలు తీస్తున్నారు. ఇంతకీ అసలు విషయం ఏమిటంటే.. గొప్పలు చెప్పుకుంటున్న మోడీ ప్రభుత్వంలో కూడా ప్రజలకు సరైన న్యాయం జరగటంలేదని ఈ సన్నివేశంతో బయటపడింది.

దేశంలో ఆధునిక రైళ్ళుగా పేరు తెచ్చుకున్న రాజధాని ఎక్స్ ప్రెస్ లు 'పేరు గొప్ప ఊరు దిబ్బ' చందంగా తయారయ్యాయి. వాటిలో ప్రయాణికులకు సరఫరా చేసే అహారం నాసిరకంగా ఉంటోందని ఎప్పటినుంచో ఆరోపణలు వినిపిస్తున్నాయి. తాజాగా, కోల్ కతా-న్యూఢిల్లీ (హజ్రత్ నిజాముద్దీన్) రాజధాని ఎక్స్ ప్రెస్ లో ఓ ప్రయాణికుడు తనకు సరఫరా చేసిన ఆహారంలో బొద్దింకను చూసి విస్తుపోయాడు.

ఈ సమాచారం రైల్లో మిగతా ప్రయాణికులకు కూడా తెలియడంతో వారు ఆందోళనకు దిగారు. యూపీలోని ముగుల్ సరాయ్ వద్ద గంటపాటు రైలును నిలిపివేశారు. కాగా, ఆ ఆహారాన్ని పాట్నా స్టేషన్ వద్ద రైలులోకి ఎక్కించినట్టు తెలుస్తోంది. రైల్వే మంత్రి సదానంద గౌడ ఇటీవలే మాట్లాడుతూ, ఆహార నాణ్యత విషయంలో రాజీపడబోమని, నాసిరకం ఆహారం సరఫరా చేసే వ్యక్తులపై కఠిన చర్యలు తీసుకుంటామని హెచ్చరించారు. ఆ హెచ్చరికలను సైతం క్యాటరింగ్ కాంట్రాక్టర్లు పెడచెవిన పెడుతున్నట్టు తాజా ఉదంతం వెల్లడిస్తోంది.

మంచి భోజనం పెట్టనందుకు శిక్ష ఇదే..