కానిస్టేబుల్ బట్టలు విప్పటం చూసిన సీఎం మమతా?

Posted: 07/23/2014 09:53 AM IST

Cm mamata scoffs at bus shelters traffic police used for drying clothes

పశ్చిమ బెంగాల్ పైర్ బ్రాండ్ ముఖ్యమంత్రి మమతా బెనర్జీ ఏం చేసిన సంచలనమే. ఆమె ఆవేశం వస్తే చాలు .. అక్కడే క్లాస్ పీకుతారు. పట్టపగలు నడి రోడ్డు పై ట్రాఫిక్ కానిస్టేబుల్ పై మండిపడ్డారు. కోల్ కతాలోని రావ్ ధాన్ వీధిలోంచి వెళ్తున్న సందర్భంగా ఓ కానిస్టేబుల్ బస్ షెల్టర్ లో బట్టలు విప్పి మార్చుకోవడం ఆమె చూశారు. అంతే, కానిస్టేబుల్ ను పిలిచి బస్ షెల్టర్ లో ఎందుకు బట్టలు మార్చుకుంటున్నావని ఆమె ప్రశ్నించారు.

సాక్షాత్తూ ముఖ్యమంత్రి ప్రశ్నించేసరికి ఆ కానిస్టేబుల్ పై ప్రాణాలు పైకిపోయాయి. అయినా ధైర్యం తెచ్చుకుని ఇంకా ఏమని తిడతారో అని ఎదురు చూస్తుండగా, "బస్ షెల్టర్లు, బస్ స్టాండ్లు అనేవి ప్రజల సౌకర్యం కోసం. అలాంటి వాటిల్లో పోలీసులు దూరి బట్టలు విప్పి, మారుస్తుంటే సామాన్యులు ఎంత ఇబ్బంది పడతారో ఆలోచించావా? అని ప్రశ్నించారు. అయినా యూనిఫాంతో ఇంటికి వెళ్లడమే గౌరవం" అని ఆమె సూచించారు.

అసలు ట్రాఫిక్ పోలీసులు బస్ షెల్టర్లలో బట్టలు ఎందుకు మార్చుకుంటున్నారని ప్రశ్నించారు. బస్ షెల్టర్లు, బస్ స్టాండ్లు అనేవి ప్రజల కోసమని ఆమె ఈ సందర్భంగా హితబోధ చేశారు. ఇక నుంచి అటువంటి చర్యలకు పాల్పడి బస్ షెల్టర్లను దుర్వినియోగం చేయవద్దని ఆమె హెచ్చరించారు. సీఎం గారు చూశారు కాబట్టి .. శిక్షిస్తారేమో అని భయపడిన పోలీసు హితబోధతో సరిపెట్టడంతో బతుకుజీవుడా అంటూ వెళ్లిపోయాడు.