రాజ్ నాథ్ జీ వింటున్నారా?

Posted: 07/14/2014 04:17 PM IST

Mp rapolu ananda bhaskar questioned rajnath singh over polavaram ordinance

'పోలవరం నిర్మాణం..ఎంతో మంది రోదిస్తున్నారు. నాలుగు లక్షల మంది ఏడుస్తున్నారు..వింటున్నారా రాజ్ నాథ్ సింగ్ జీ'' అని ఎంపీ రాపోలు ఆనంద భాస్కర్ పేర్కొన్నారు. పోలవరం బిల్లుపై రాజ్యసభలో జరిగిన చర్చలో ఆయన మాట్లాడారు. తెలంగాణ ఎన్నో కష్టాలు ఓర్చుకుని రాష్ట్రం ఏర్పడిందని తెలిపారు. కానీ పోలవరం నిర్మాణం వల్ల ఎంతో మంది ప్రజలు ఏడుస్తున్నారని పేర్కొన్నారు.

తెలంగాణ, ఛత్తీస్ గఢ్, ఒరిస్సాలతో పాటు ఎంతో మంది ప్రజలు కష్టాలు పడుతున్నారని తెలిపారు. గిరిజనులను కాపాడాలని చట్టాలే చెబుతున్నాయని కానీ కేంద్ర ప్రభుత్వం నిర్ణయాల వల్ల మండలాలు ముంపునకు గురవుతాయని పేర్కొన్నారు.

పోలవరం కట్టి రాజమండ్రి నగరాన్ని ముంచుతారా ? అని ప్రశ్నించారు. పోలవరం వల్ల భద్రాచలం కూడా ముంపునకు గురవుతుందని, ఎంతో మంది నిపుణులున్నా వారి అభిప్రాయాలు తీసుకోలేదని పేర్కొన్నారు. పోలవరం డిజైన్ మార్చకుండా నిర్మిస్తే ప్రాజెక్టు జీవిత కాలం కేవలం పదేళ్లనని రూర్కేలా నిపుణులు చెబుతున్నారని ఎంపీ రాపోలు సభ దృష్టికి తెచ్చారు.