హీరో విశాల్ వల్ల ఇద్దరు జైలుపాలయ్యారు..?

Posted: 07/14/2014 03:47 PM IST

(Image source from: hero vishal files complaint on piracy members)

కోలీవుడ్ స్టార్ హీరోయిన అయిన విశాల్ వల్ల ఇద్దరు వ్యక్తులు జైల్లో ఊచలు లెక్కపెడుతున్నారు. వారిద్దరూ చేసిన తప్పును సహించలేక హీరో విశాల్ వారిద్దరినీ పోలీసులకు అప్పగించాడు. కానీ వారిద్దరు చేసిన తప్పు అంత చిన్నది కాదు... రిలీజయిన కొత్త సినిమాల పైరసీ సీడీలు లోకల్ ఛానెళ్లకు అమ్ముకోవడం వారి నిత్య వ్యాపారం. ఈ విషయమై వారిద్దరిపై కేసు నమోదు చేయించి, పోలీసులకు ఫిర్యాదు చేయించాడు హీరో విశాల్!

అసలు జరిగిన విషయం ఏమిటంటే... హీరో విశాల్ తానే హీరోగా నటిస్తూ, నిర్మిస్తున్న ‘‘పూజై’’ సినిమా షూటింగ్ కోసం యూనిట్ సభ్యులందరూ కలిసి కార్తెక్కుడి ప్రాంతానికి వెళ్లారు. షూటింగ్ పూర్తయిన అనంతరం విశాల్ విశ్రాంతి తీసుకోవడం కోసం దగ్గరలోనే వున్న ఒక హోటల్లో బస చేశాడు. ఆ సమయంలోనే టీవీ చూస్తుండగా... లోకల్ ఛానెళ్లలో ఇటీవలే విడుదలైన రెండు కొత్త సినిమాలు ప్రసారం అవుతుండటం చూసి చాలా కోపగించుకున్నాడు. వెంటనే ఈ విషయం మీద పోలీసులకు ఫిర్యాదు చేశాడు.

దీంతో రంగంలోకి దిగిన పోలీసులు దర్యాప్తు ప్రారంభించారు. ఈ నేపథ్యంలో మహ్మద్ మంజూర్, సంపత్ అనే ఇద్దరు వ్యక్తులను పోలీసులు అరెస్ట్ చేశారు. వారి దగ్గర ఎన్నో సినిమాల పైరసీ సీడీలు, కంప్యూటర్, ఇతర పరికరాలను స్వాధీనం చేసుకున్నారు. పోలీసులకు థ్యాంక్స్ చెప్పుకున్న హీరో విశాల్... ఎన్నో కష్టాలు పడి, కోట్లాది రూపాయలను వెచ్చించి సినిమాలు తీస్తే... పైరసీవాళ్లు మాత్రం ఆ శ్రమను నీరుగార్చేస్తున్నారు. ఇటువంటివారిని అస్సలు క్షమించకూడదు... నేనూ చూస్తూ ఊరుకోబోనని హెచ్చరించారు.