కూతురి కోసం పుస్తకం రాయనున్న షారుఖ్

Posted: 07/14/2014 02:36 PM IST

(Image source from: Shah Rukh khan writing a book for his daughter suhana)

బాలీవుడ్ బాద్ షా షారుఖ్ ఖాన్ తన ముద్దుల కూతురు అయిన సుహానా కోసం ఒక ప్రత్యేకమైన పుస్తకం రాస్తున్నట్టు పేర్కొన్నాడు. ఇటీవలే ‘‘ది అనుపమ్ ఖేర్ - కుఛ్ భీ హోసక్తా షో’’ లో పా్ల్గొన్న షారుఖ్.. తన సినిమా విశేషాల గురించి చెబుతూ, తన కుటుంబ సభ్యుల గురించి మాట్లాడాడు. ఈ నేపథ్యంలో తన కూతురు సుహానాకు సంబంధించి కొన్ని విషయాలను బహిర్గతం చేశాడు.

ఈ సందర్భంగా షారుఖ్ మాట్లాడుతూ.. తన కూతురు కూడా తనలాగే నటి అవ్వాలనుకుంటోందని... అందుకు తాను పూర్తి సహకరిస్తానని తెలిపాడు. ఈమేరకు పేర్కొన్న ఆయన.. తన కూతురు నటనలో మంచి ప్రావీణ్యం పొందేందుకు, నటనలో వున్న కొన్ని టిప్స్ ను చెప్పేందుకు ఒక పుస్తకాన్ని రాయాలనుకుంటున్నానని ఆయన వ్యక్తం చేశాడు. నటనకు సంబంధించి తన స్టయిల్లో చిన్న చిన్న పేరాలతో కూడిన ‘‘టు సుహానా, ఆన్ యాక్టింగ్, ఫ్రమ్ పాపా’’ అనే టైటిల్ తో పుస్తకం రాస్తున్నట్టు షారుఖ్ ఖాన్ పేర్కొన్నాడు.