బట్టల్లేకపోయినా.. ఫోన్ ఉండాల్సిందేనట!

Posted: 07/12/2014 05:57 PM IST

(Image source from: Arjun kapoor comments on mobile phone)

ఈ మాట ప్రస్తుతం వున్న నెటిజన్లకు చాలా బాగా వర్తిస్తుంది. పొద్దున్నే లేచిన సమయం నుంచి రాత్రి నిద్రపోయేంతవరకు మొబైల్ ఫోన్లలో ఏదో వత్తుతూనే వుంటారు. ఇంటర్నెట్ బ్రౌజింగ్, మెసేజ్ లు పంపుకోవడం... ముఖ్యంగా ఫేస్ బుక్, ట్విటర్ తదితర సోషల్ నెట్ వర్కింగ్ సైట్లలో మునిగిపోయి వుంటారు. వీరికి చేతిలో మొబైల్ ఫోన్ వుంటే చాలు.. బట్టలు వేసుకున్నామా లేదా..? తిండి తిన్నామా లేదా..? అసలు అది అవసరమా అన్న రీతిలో వ్యవహరిస్తుంటారు.

ఇప్పుడు ఇదే విషయం మీద బాలీవుడ్ హీరో అర్జున్ కపూర్ కూడా తన అభిప్రాయాన్ని వ్యక్తం చేశాడు. ‘‘ఇషక్ జాదే’’ సినిమా ద్వారా బాలీవుడ్ తెరకు పరిచయమైన అర్జున్... ‘‘గూండే, 2 స్టేట్స్’’ వంటి సినిమాలతో స్టార్ హీరోగా ఎదిగిన ఇతడికి... ఫోన్ లేకపోతే ఒక్క క్షణం కూడా గడవదని చెబుతున్నాడు. మార్కెట్ లో ఎన్నిరకాల గ్యాడ్జెట్ లు వచ్చినా కూడా.. ఫోన్ మాత్రం ఒక ప్రత్యేక స్థానాన్ని కల్పించుకుందని... అది ఒక నిత్యావసర వస్తువుగా ప్రతిఒక్కరికి మారిపోయిందని పేర్కొన్నాడు.

అలాగే.. దుస్తులు వేసుకోవడం మర్చిపోయినా, ఫోన్ ను మాత్రం మర్చిపోకుండా జాగ్రత్తగా వుంచుకోవాలని సలహాలు ఇస్తున్నాడు. ఎందుకంటే.. ఫోన్ ద్వారానే మనం ఆత్మీయులతో అనుబంధం పెట్టుకోవచ్చని క్లారిటీ ఇచ్చిన ఈ హీరో... ప్రమాదంలో వున్న సమయంలో ఫోన్ కీలకపాత్ర పోషిస్తుందని చెప్పాడు. ఎప్పుడు సినిమాల్లో బిజీగా వుండే తనక్కూడా ఫోన్ అత్యంత సన్నిహితమైన వస్తువని, అది లేకుండా తనకు ఒక్క క్షణం కూడా గడవదని అభిప్రాయం వ్యక్తం చేశాడు.