హేరీపోటర్ విలన్ చనిపోయాడు!

Posted: 07/12/2014 05:39 PM IST

(Image source from: Harry Potter werewolf star Dave Legeno dies of heat stroke in death valley)

హేరీ పోటర్ సినిమాలన్నింటినీలోనూ విలన్ గా పాత్ర పోషించి, అందరి అభిమానాన్ని మూటగట్టుకున్న డేవ్ లెగెనో... ఎవరూ ఊహించలేని విధంగా మరణించారు. సహజ జీవితంలో నిత్యం పౌష్టికాహారాలను సేవిస్తూ, బలంగా వుంటే ఈ విలన్... అనుకోకుండా దుర్మరణం చెందాడు. ఈ వార్త విన్న ఇతను అభిమానులు, ఇతర తారాగణులు తీవ్ర దిగ్ర్భాంతిని వ్యక్తం చేశారు.

కాలిఫోర్నియాలోని డెత్ వ్యాలీ సాహసయాత్రకు బయలుదేరిన ఈ వీరుడు... అందులోనే మరణించి, మృతదేహంలా బయటికి వచ్చాడు. ఇటీవలే ఇద్దరు సాహసయాత్రికులు ఈ డెత్ వ్యాలీ మీదుగా వెళుతుండగా.. ఒ మారుమూల ప్రదేశంలో వారికి ఈ హేరీపోటర్ విలన్ మృతదేహం కనిపించింది. దాంతో వారు వెంటనే అధికారులకు సమాచారం అందించారు. అయితే అతని మృతదేహం ఎంత మారుమూల ప్రదేశంలో వుందంటే.. దానిని అక్కడి నుంచి తరలించడానికి హైవే పెట్రోల్ హెలికాఫ్టర్ ను రల్పించాల్సి వచ్చింది.

50 ఏళ్ల వయసున్న ఈ లెగెనో.. మంచి మార్షల్ ఆర్ట్స్ ఫైటర్. గుండె సంబంధిత వ్యాధితో ఈ డెత్ వ్యాలీలో తన ప్రాణాలను వదిలి వుంటాడని పేర్కొన్న అధికారులు... అతను మరణించిన నాలుగైదు రోజుల తరువాత మృతదేహం కనిపించిందని కౌంటీ పోలీసులు తెలిపారు. డెత్ వ్యాలీలో ప్రస్తుతం ఉష్ణోగ్రతలు చాలా దారుణంగా వున్నాయని చెప్పినవారు.. బహుశా ఆ వాతావరణంలో మార్పులవల్లే ఇతను శ్వాస వదిలి వుంటాడని అంచనా వేస్తున్నారు. దిక్కూమొక్కూ లేకుండా ఇతను ఇంత దారుణంగా మరణించడంపై అభిమానులు, తారామణులు తీవ్రంగా బాధపడ్డారు.