గవాస్కర్ కి డబ్బులు ఎగ్గొట్టిన బీసీసీఐ

Posted: 07/11/2014 04:40 PM IST

ప్రపంచదేశాల్లోని అన్ని క్రికెట్ బోర్డుల్లోకంటే అత్యంత ధనం, సంపాదన కలిగిన భారత క్రికెట్ బోర్డు (బీసీసీఐ) జీతం డబ్బులు ఇవ్వకుండా ఎగ్గొట్టిందని, ఆ డబ్బులు ఇప్పించాలని కోర్టుకెక్కాడు భారత మాజీ క్రికెటర్ సునీల్ గవాస్కర్. బీసీసీఐ గవాస్కర్ కి డబ్బులు ఎగ్గొట్టడం ఏంటి ? అని ఆశ్చర్య పడిపోకండి.

బీసీసీఐ మాజీ అధ్యక్షుడు శ్రీనివాసన్ పై ఐపీఎల్ ఫిక్సింగ్ ఆరోపణలు రావడంతో ఆయన్ను తప్పించి తాత్కాలిక అధ్యక్షుడిగా సునీల్ గవాస్కర్ ని నియమించి ఆయన్ను ఐపీఎల్ సీజన్ -7 వరకే పరిమితం చేశారు. ఆ తరువాత బీసీసీఐ బోర్డు ఉపాధ్యక్షుడు శివలాల్ యాదవ్ ని బీసీసీఐ మధ్యంతర అధ్యక్షుడిగా నియమించారు.

అయితే గవాస్కర్ పనిచేసిన కాలానికి గాను బీసీసీఐ ఇంత వరకు ఆ జీతాన్ని చెల్లించకపోవడంతో తన జీతాన్ని తనకు చెల్లించేలా క్రికెట్ బోర్డును ఆదేశించాలంటూ న్యాయస్థానానికి ఓ లేఖ రాశాడు. ఈ ఫిర్యాదుపై నేడు విచారణ చేపట్టిన అత్యున్నత న్యాయస్థానం తదుపరి విచారణను వాయిదావేసింది. అంత్యంత ధనిక బోర్డుగా పేరున్న బీసీసీఐ ఇలా జీతం చెల్లించక వార్తల్లోకి ఎక్కడం కాస్త సిగ్గుపడాల్సిన విషయమే.

Knr