పోలవరంపై సుప్రీం మెట్లక్కనున్న తెలంగాణ

Posted: 07/11/2014 02:57 PM IST

(Image source from: telangana government taking supreme court help to stop polavaram ordinance)

ఆంధ్రప్రదేశ్ పునర్ వ్యవస్థీకరణ చట్ట సవరణ బిల్లుకు కేంద్ర హోంమంత్రి రాజ్ నాథ్ సింగ్ సవరణలు ప్రతిపాదించిగా... సభలో చర్చ జరిపి దానిని ఆమోదించిన విషయం తెలిసిందే! ఈ నేపథ్యంలో సభలో తీవ్ర గందరగోళ పరిస్థితి నెలకొంది. టీఆర్ఎస్, టీ.కాంగ్రెస్ తోపాటు ఒడిశా, ఛత్తీస్ గఢ్ కు చెందిన కొందరు ఎంపీలు ఈ బిల్లును తీవ్రంగా వ్యతిరేకించినా.. మెజారిటీ సభ్యులు మాత్రం బిల్లుకు మద్దతు పలికారు. దీంతో పోలవరం ఆర్డినెన్సుకు లోక్ సభలో ఆమోదం లభించింది. ఈ సందర్భంగా ఆంధ్రప్రదేశ్ లో ఖమ్మ జిల్లాలోని ఏడు ముంపు మండలాలు చేరనున్నాయి.

అయితే ఈ విషయం మీద తీవ్ర ఆగ్రహం వ్యక్తం చేసిన తెలంగాణ ప్రభుత్వం.. అభ్యంతరం వ్యక్తం చేసింది. ఈ విషయం మీద న్యాయపోరాటం చేసి, పోలవరం ఆర్డినెన్స్ ఆమోదాన్ని తిరిగి వెనక్కు తీసుకునేలా చేస్తామని తెలంగాణ ప్రభుత్వం పోరాటం చేసేందుకు సన్నద్ధమవుతోంది. దీనిమీద తెలంగాణ సర్కార్ సుప్రీంకోర్టును ఆశ్రయించనుందని సమాచారం! ఈమేరకు పోలవరం, నీటిపారుదల అంశాలపై తెలంగాణ సీఎం కేసీఆర్ సమీక్ష నిర్వహించారు. ఈ సమీక్షలో మంత్రి హరీష్ రావు, ఇంజనీర్ ఇన్ చీఫ్ మురళీధర్, నీటిపారుదల శాఖ ముఖ్యదర్శి అరవింద్ రెడ్డి, ప్రభుత్వ సలహాదారు విద్యాసాగర్ రావు తదితరులు పాల్గొన్నారు.