ఆంధ్రాకి వ్యవసాయం, తెలంగాణాకి ఉద్యానవనం

Posted: 07/10/2014 12:38 PM IST

కేంద్ర బడ్జెట్ ఉపన్యాసంలో కేంద్ర ఆర్థిక మంత్రి అరుణ్ జైట్లీ ప్రతిపాదించిన విశ్వవిద్యాలయాలను కొత్తగా విభజించబడ్డ రాష్ట్రాలకు ఈ విధంగా పంచారు.

ఆంధ్రప్రదేశ్ లో వ్యవసాయాభివృద్ధికి వ్యవసాయ విశ్వవిద్యాలయం, తెలంగాణాలో ఉద్యానవన అభివృద్ధికోసం ఉద్యాన విశ్వవిద్యాలయాలను స్థాపిస్తామని కేంద్ర ప్రభుత్వం తరఫున ఆర్థిక మంత్రి లోక్ సభలో ప్రకటించారు.   

తెలంగాణాలో స్థాపించబోతున్న ఉద్యాన విశ్వవిద్యాలయానికి రూ.200 కోట్లను కేటాయించటం జరిగింది.  

కొత్తగా ఏర్పడ్డ ఆంధ్రప్రదేశ్ తెలంగాణా రాష్ట్రాల అభివృద్ధి కోసం కేంద్ర ప్రభుత్వం అన్ని విధాలా తోడ్పడుతుందని కూడా అరుణ్ జైట్లీ ప్రకటించారు.  

-శ్రీజ