నాపై వచ్చిన రూమర్లు బాధ కలిగించాయి : పాక్ నటి

Posted: 09/17/2014 01:54 PM IST

(Image source from: pakistan actress mahira hafeez khan denies the rumour bollywood movie offer with ranveer singh)

ఏ దేశానికి చెందినవారైనా సరే... సెలబ్రిటీలు అన్న తర్వాత వారికి సంబంధించిన రూమర్లు మీడియాలో, ఇండస్ట్రీవర్గాల్లో చక్కర్లు సర్వసాధారణం! ముఖ్యంగా ఎఫైర్ల గురించి అయితే లెక్కనేనన్ని నిత్యం వస్తూనే వుంటాయి. ఈ నేపథ్యంలోనే పాకిస్తాన్ కు చెందిన నటి మహిరా హఫీజ్ ఖాన్ కు సంబంధించి ఒక రూమర్ బాలీవుడ్, లాలీవుడ్ (పాక్ ఫిల్మ్ ఇండస్ట్రీ)లో షికార్లు చేస్తోంది. ఈ అమ్మడు త్వరలోనే బాలీవుడ్ హ్యాండ్ సమ్ హీరో రణ్ వీర్ సింగ్ లో కలిసి తెరపై రొమాన్స్ చేయనుందని వార్తలు ఇండస్ట్రీ వర్గాల్లో బాగానే తిరుగుతున్నాయి. దీంతో మరో పాక్ నటి ఇండియాకు ఇంపోర్ట్ కానుందని ఇటు ఇండియాతోపాటు పాక్ మీడియాలో హాట్ టాపిక్ గా మారిపోయింది.

ఈ వార్త అలా చక్కర్లు కొడుతూకొడుతూ చివరికి ఆ పాక్ నటి మహిరా దగ్గరకు చేరిపోయాయి. దీంతో ఆమె వెంటనే ఈ వార్తలను ఖండించింది. తాను ఇంతవరకు ఏ బాలీవుడ్ సినిమాకు సంతకం చేసినట్లు వస్తున్న వార్తలు కేవలం ఊహాగానాలు మాత్రమేనని స్పష్టం చేసింది. ఈ నేపథ్యంలోనే ఆమె.. ‘‘నేను ఇంతవరకు ఏ బాలీవుడ్ చిత్రానికి ఎటువంటి సంతకం చేయలేదు. ఆ రూమర్లు ఎక్కడి నుంచి ఎలా వచ్చాయో నాకైతే తెలియదు. ఆ వార్తల్లో ఎటువంటి నిజం లేదు. ఆన్ లైన్లో చూసిన ఆ వార్తతో చాలా కలత చెందాను’’ అంటూ మహిరా పేర్కొంది. దీంతో ఈ రూమర్ కి ఇక్కడితో ఫుల్ స్టాప్ పడిపోయింది.

ఇదిలావుండగా.. త్వరలోనే ఈ అమ్మడు భారతీయ టెలివిజన్ షోలో మెరువనుంది. పాకిస్తాన్ లో ప్రేక్షకుల్ని బాగానే ఆకట్టుకున్న ‘‘హంసఫర్’’తో భారతీయ ప్రేక్షకుల్ని అలరించడానికి సిద్ధమవుతోంది. ప్రస్తుతం తాను ఆ టెలివిజన్ షోకు సంబంధించిన కార్యక్రమాల్లో బిజీగా వున్నట్లు పేర్కొంటోంది. తనకు ఇప్పటికే బాలీవుడ్ నుంచి మూవీలో నటించాల్సిందిగా చాలా ఆఫర్లు వచ్చాయని.. అయితే ఆకట్టుకునే కథ లభించకపోవడం వల్ల తాను నిరాకరిస్తూ వస్తున్నానంటూ తెలిపింది.

AS