పవన్ పై ఆర్నాబ్ తీవ్ర స్థాయిలో విమర్శలు

Posted: 05/12/2017 04:25 PM IST

నా సినిమాలు చూస్తే చూడండి.. లేకపోతే పోండి. ఇది కొంత కాలం క్రితం దర్శకుడు రాంగోపాల్ వర్మ ఓపెన్ గా చెప్పిన మాట. అతని మాటకు కట్టుబడే ప్రేక్షకులు కూడా సినిమాలను చాలా దూరం పెట్టేశారు కూడా. అయితే తన కామెంట్లతో, ట్వీట్లతో మీడియాకు సినిమా నుంచి దొరికిన ఆణిముత్యంగా వర్మ ఫీలయితే.. జర్నలిజం నుంచి దొరికిన మరో మాణిక్యం ఆర్నబ్ గోస్వామి. మీడియా రంగానికి దేవుడిచ్చిన బహుమతిగా తనకు తాను చాలా సార్లే అభివర్ణించుకున్నాడు లేండి.

తన ‘న్యూస్ అవర్’ ప్రస్థానంపై తీవ్ర స్థాయిలో విమర్శలు రావటంతో ఇక లాభం లేదునకుని ఈ మధ్యే సొంతంగా రిపబ్లిక్ అనే ఛానెల్ పెట్టుకుని కానిచ్చేస్తున్నాడు. పక్కా హిందుత్వ వాదాన్ని, దేశ భక్తిని చాటుకుంటున్నాడు( అని ఆర్నబ్ ఫీలింగ్). అఫ్ కోర్స్ దీనివెనకాల బీజేపీ హస్తం ఉందన్న టాక్ కూడా ఒకటి ఉందనుకోండి. మరి పార్టీ కోసం ఏదో ఒక సాయం చేయాలిగా.. అందుకే కాషాయంపై కామెంట్లు చేసేవారిని టార్గెట్ చేసి తీవ్ర స్థాయిలో విమర్శలు చేసేస్తున్నాడు.

ఈ మధ్య జనసేన అధినేత పవన్ కళ్యాణ్ ప్రాంతీయ రాజకీయాలనుద్దేశించి ఉత్తర, దక్షిణ భారతదేశమంటూ ట్వీట్లతో కేంద్రంపై విరుచుకుపడుతున్న విషయం తెలిసిందే కదా. ఈ నేపథ్యంలో ఆర్నాబ్ పవన్ చేసిన ట్వీట్ కు రీట్వీట్ చేశాడు. పవన్ ది స్టుపిడ్ చర్య అని.. కేవలం నటుడే తప్ప, మంచి పౌరుడు కాదని, వ్యక్తిగత ప్రయోజనాల కోసం ప్రజలను విడగొట్టాలని చూస్తున్నాడంటూ ట్వీట్ పెట్టాడు. దీనికి అభిషేక్ తివారీ అనే బీజేపీ నేత రిప్లై సందేశం కూడా పెట్టాడు. ఇందులో రాజకీయ కోణం ఎంత ఉందన్నది, ఆర్నబ్ అరుపుల వెనుక ఎవరున్నారన్నది స్పష్టంగా తెలుస్తున్న క్రమంలో దీనిపై జనసేన గానీ, పవన్ గానీ స్పందించాల్సిన అవసరం లేదన్నది విశ్లేషకుల మాట.

 

Stupid act by @PawanKalyan ... u r d only actor not good citizen!! Shame on you... u diving ppl for personal gain!! https://t.co/fUeImFDJQj

— Arnab Goswami (@RealArnabG) May 10, 2017