ఉద్ధానం సమస్య కొత్తది కాదు, పవన్ పై రోజా విసుర్లు

Posted: 08/01/2017 03:52 PM IST

శ్రీకాకుళంలో ఎక్కడో మారుమూల ఉన్న ఉద్ధానం ప్రజల సమస్యను వెలుగులోకి తేవటం ద్వారా ఒక్కసారిగా జనసేన చీఫ్ పవన్ కళ్యాణ్ వార్తల్లో హైలెట్ అయ్యాడు. ప్రభుత్వాలు కూడా పట్టించుకోని ఓ తీవ్ర సమస్యను పరిష్కారం దిశగా తీసుకెళ్తున్నాడంటూ అభినందనలు కురుస్తున్నాయి. ఈ నేపథ్యంలో విపక్షాలన్నీ పవర్ స్టార్ ను ప్రశంసించాల్సిన పరిస్థితి నెలకొంది.

మరోవైపు వైసీపీ కూడా ఈ విషయంలో సానుకూలత వ్యక్తం చేసింది. పవన్ గనుక ఈ విషయంలో గనుక మద్ధతు కోరితే తమ అదినేత జగన్మోహన్ రెడ్డి ఖచ్ఛితంగా స్పందిస్తాడని పార్టీ ఫైర్ బ్రాండ్ రోజా తెలిపింది. అది ముమ్మాటికీ తీవ్ర మైన సమస్య.. ఈ విషయంలో నిర్దిష్టమైన ప్రతిపాదనతో జనసేన పోరాటానికి తమ పూర్తి సహకారం ఉంటుందని చెప్పింది. అయితే పవన్ స్పీచ్ లో ఓ వ్యాఖ్యపై మాత్రం నగరి ఎమ్మెల్యే తీవ్ర స్థాయిలో ధ్వజమెత్తింది.

 

గత ప్రభుత్వాల నిర్లక్ష్యం అంటూ పవన్ చేసిన వ్యాఖ్యలపై అభ్యంతరం వ్యక్తం చేసింది. 2004 లో అధికారంలోకి రాగానే స్వర్గీయ సీఎం వైఎస్ రాజశేఖర్ రెడ్డి వైజాగ్ కింగ్ జార్జ్ హస్పిటల్ కు చెందిన వైద్యుల బృందాన్ని ఉద్ధానం సమస్య పరిష్కారం కోసం పర్యటించాల్సిందిగా ఆదేశించిన విషయాన్ని గుర్తు చేసింది. అంతేకాదు.. అదే కేజీహెచ్ ఆస్పత్రికి చెందిన ఓ స్పెషలిస్ట్ వైద్యుడిని 2007 లో శాన్ ఫ్రాన్సిస్ కో లో జరిగిన అంతర్జాతీయ సదస్సు కు పంపించి అక్కడ కూలంకశంగా చర్చించేందుకు పంపించిన విషయాన్ని కూడా ప్రస్తావించింది.

ఉద్ధానం సమస్య తానొక్కడే పరిష్కరించినట్లు పవన్ ఫీలవుతున్నాడని, తెలుగు దేశం ఏదో పై పై మెరుగుల చర్యలు చేయించి ఆ ఘనతకు ప్రభుత్వంకు కట్టబెట్టి, తాను లాభపడాలని చూస్తున్నాడంటూ ఆరోపణలు గుప్పించింది. రాష్ట్రంలో ఎక్కువ అధికారంలో ఉన్న చంద్రబాబుకు నలభై ఏళ్ల ఈ సమస్య కంటబడకపోవటం దారుణమని, ప్రజా పోరాటం లో ఎవరితోనైనా చేయి కలిపేందుకు తాము సిద్ధమని తెలిపింది.