భువనేశ్వరిని కాదు.. ఆ మాట భారతిని అడుగు...

Posted: 07/11/2017 02:30 PM IST

చాలా గ్యాప్ తర్వాత వైసీపీ ప్లీనరీ ద్వారా రీఎంట్రీ ఇచ్చిన వైఎస్ షర్మిల టీడీపీ అధినేత, ఏపీ ముఖ్యమంత్రిపై ఓ రేంజ్ లోనే ఫైర్ అయ్యింది. ఈ క్రమంలో ఆయన సతీమణి భువనేశ్వరి ప్రస్తావన తీసుకొస్తూ.. జన్మనిచ్చిన కన్న తండ్రి(ఎన్టీఆర్) ను వెన్నుపోటు పొడిచినప్పటికీ మాంగల్యాన్నే చూస్కుందంటూ సెటైర్ లు కూడా వేసింది. దీనిపై టీడీపీ నుంచి కౌంటర్ రియాక్షన్ వచ్చింది.

అక్రమాస్తుల కేసులో పద్దెనిమిది నెలలు జైలు జీవితం గడిపిన జగన్ తో, తన వదిన(భారతి) కాపురం ఎలా చేస్తోందో సోదరి షర్మిల తెలుసుకోవాలని ఏపీ మంత్రి కొల్లు రవీంద్ర కోరాడు. అధికారంలోకి వస్తే రాష్ట్రంలో మద్య నిషేధం విధిస్తానని చెప్పిన జగన్, మొట్టమొదట తన పక్కన ఉన్న వాళ్లతో మద్యం మాన్పించాలని, తమ పార్టీ నేతలతో మద్యం వ్యాపారం కూడా మాన్పించాలని ఆయన సూచించారు.

జగన్ కు రాజకీయం చేతగాకనే ప్రశాంత్ కిషోర్ ను తెచ్చుకున్నారని విమర్శించారు. మరో మంత్రి యనమల రామకృష్ణుడు మాట్లాడుతూ, జగన్ ఆశనిరాశల మధ్య కొట్టుమిట్టాడుతున్నాడని, ఆయన అధికారంలోకి రావడమనేది కలగానే మిగిలిపోతుందని అన్నారు.

కాగా, మాజీ మంత్రి కొణతాల రామకృష్ణ మాట్లాడుతూ, మేనిఫెస్టోలను నమ్మి ప్రజలు ఓట్లేసే రోజులు పోయాయని, రాష్ట్ర ఆదాయానికి మించి వైసీపీ హామీలు ఉన్నాయని విమర్శించారు. ఈ హామీలను నెరవేర్చగలమా, లేదా? అనే విషయాన్ని పార్టీ నేతలే ఆలోచించుకోవాలని అన్నారు. ఇక ఎక్సైజ్ మినిస్టర్ జవహార్ ఓ అడుగు ముందుకేసి ప్రశాంత్ కిషోర్ వైసీపీ నూతన అధ్యక్షుడంటూ ఛలోక్తులు పేల్చాడు.