బాబు.. మకాం పెట్టు, హోదా పట్టు : రఘువీరారెడ్డి

Posted: 08/12/2015 06:06 PM IST

Ap pcc chief raghuveera reddy suggestions chandrababu naidu ap special status issue

ఆంధ్రరాష్ట్రంలో ప్రస్తుతం ప్రత్యేకహోదా విషయమై తీవ్రస్థాయిలో ఆందోళనలను కొనసాగుతున్నాయి. రాష్ట్రప్రజల నుంచి ప్రత్యక్ష రాజకీయ పార్టీలు ప్రత్యేక హోదా కోసం పోరాటం కొనసాగిస్తున్నారు. ఉద్యమాలు, నిరసనలు, ధర్నాలు.. ఇలా రకరకాల కార్యక్రమాలు చేపడుతున్నారు. ఇక జనాల్లో మమేకమయ్యే సమయం ఇదేనని భావించిన కాంగ్రెస్ పార్టీ కూడా తనదైన శైలిలో పోరాటం కొనసాగిస్తోంది. అధికార పార్టీల మీద తీవ్ర విమర్శలు గుప్పిస్తోంది. అటు రాష్ట్రాభివృద్ధి పనుల్లో నిమగ్నమైన ఏపీ సీఎం చంద్రబాబుపై కూడా విమర్శనాస్త్రాలు వెల్లువెత్తున్నాయి. దీంతో ఏం చేయాలో అర్థంకాని స్థితిలో వున్న ఆయన కూడా రంగంలోకి దిగి కేంద్రంతో హోదాపై మంతనాలు జరుపుతున్నారు. ఈ నేపథ్యంలోనే ఈయనకు ఏపీ పీసీసీ చీఫ్ రఘువీరా రెడ్డి తనదైన శైలిలో ఓ సలహా ఇచ్చారు.

‘చంద్రబాబూ... ఆంధ్రప్రదేశ్ రాష్ట్రానికి ప్రత్యేక హోదాను సాధించే విషయంలో ఏ మాత్రం చిత్తశుద్ధి ఉన్నా, తక్షణం మకాం ఢిల్లీకి మార్చచుకుని హోదాని సాధించుకుని తీసుకురా’ అంటూ రఘువీరా డిమాండ్ చేశారు. ప్రత్యేక హోదా విషయమై బుధవారం మీడియాతో మాట్లాడిన ఆయన.. ఈ సందర్భంగానే చంద్రబాబు మంత్రులతోసహా ఢిల్లీ వెళ్లి పోరాడాలని సలహా ఇచ్చారు. ప్రత్యేక హోదాను సాధించిన తరువాతే రాష్ట్రానికి తిరిగి రావాలని, అప్పుడు ప్రజలు ఘనస్వాగతం పలుకుతారని ఆయన వ్యాఖ్యానించారు. ఆంధ్రుల ఆత్మగౌరవాన్ని దెబ్బతీసేలా అరుణ్ జైట్లీ మాట్లాడుతున్నారని, ప్రధానికి జగన్ భయపడుతూ, కాంగ్రెస్ ను విమర్శిస్తున్నారని రఘువీరా ఎద్దేవా చేశారు. మరి.. రఘువీరా ఇచ్చిన ఈ సలహా టీడీపీ ఎంతమేరకు ఉపయోగించుకుంటుందో..?

AS