అప్పుడు ఎంఐఎం నేతలు ఏమయ్యారు? : వెంకయ్య

Posted: 04/11/2015 03:51 PM IST

Venkaiah naidu counter attack mim minister vikaruddin encounter case

ఇటీవలే ఉగ్రవాది వికారుద్దీన్ ను పోలీసులు ఎన్ కౌంటర్ లో కాల్చి చంపిన విషయం తెలిసిందే! అయితే.. ఈ ఎన్ కౌంటర్ పలు అనుమానాలకు తావిస్తోందని కొందరు సందేహం వ్యక్తం చేశారు. ఈ క్రమంలోనే ఎంఐఎం నేతలు ఈ ఘటనను బూటకపు ఎన్ కౌంటర్ గా పరిగణించారు. ఈ ఎన్ కౌంటర్ ను ఎంఐఎం నేతలు తీవ్రంగా వ్యతిరేకిస్తూ, దీనిపై సీబీఐ విచారణ జరిపించాలని డిమాండ్ చేశారు. అయితే.. వీరు ఈ విధంగా విచారణకు డిమాండ్ చేయడంపై బిజెపి సీనియర్ నాయకుడు, ప్రస్తుత పార్లమెంటరీ వ్యవమారాల మంత్రి వెంకయ్యానాయుడు విచారం వ్యక్తం చేశారు.

వికారుద్దీన్ ఎన్కౌంటర్పై మాట్లాడుతున్న ఎంఐఎం నేతలు పోలీసులపై కాల్పులు జరిపినప్పుడు ఎందుకు స్పందించలేదని వెంకయ్య ప్రశ్నించారు. ఎంఐఎం నేతలు ఉగ్రవాదుల పక్షాన మాట్లాడటం సరికాదన్నారు. అదే సూర్యాపేట, అంతకుముందు జరిగిన కాల్పుల్లో పోలీసు అధికారులు చనిపోతే ఎందుకు నోరువిప్పలేదని ఆయన మీడియా సాక్షిగా ప్రశ్నించారు. సిమీ కార్యకర్తలను చంపితే మానవ హక్కులు గుర్తుకొస్తాయా అని అన్నారు. తాను మాత్రం ఉగ్రవాదులను అస్సలు సహించనని, వారిని ఎట్టి పరిస్థితుల్లో అయినా వ్యతిరేకిస్తానని అన్నారు. సామాన్యులు చనిపోతే స్పందించని హక్కుల నేతలు.. ఉగ్రవాదులు చనిపోతే స్పందించడం విచారకరమని పేర్కొన్నారు.

ఇక తెలుగు రాష్ట్రాల్లో జరిగిన ఎన్ కౌంటర్లపై కేంద్రం జోక్యం చేసుకోదని వెంకయ్య స్పష్టం చేశారు. శాంతిభద్రతల అంశం రాష్ట్రాల పరిధిలోనిదని ఆయన తెలిపారు. తీవ్రవాది జకీర్ రెహ్మాన్ లఖ్వీ విడుదలను కేంద్రం తీవ్రంగా వ్యతిరేకిందని చెప్పిన ఆయన.. అతడిని అలా విడుదల చేయడం చాలా దురదృష్టకరమని పేర్కొన్నారు.