బీజేపీకి ఓటేస్తే.. బాబుకు వేసినట్లే! : కేటీఆర్

Posted: 03/16/2015 03:00 PM IST

తెలంగాణ ఐటీ, పంచాయితీరాజ్ మినిష్టర్ కల్వకుంట్ల తారక రామారావు (కేటీఆర్) బీజేపీ-టీడీపీ కూటమిపై ధ్వజమెత్తారు. బీజేపీ పార్టీకి మద్దతిస్తే.. చంద్రబాబు నాయుడుకి మద్దతిచ్చినట్లేనని ఆయన అన్నారు. కాబట్టి.. బీజేపీ అభ్యర్థులను ఓడించాలంటూ ఆయన పిలుపునిచ్చారు. ఎమ్మెల్సీ ఎన్నికల సందర్భంగా మాట్లాడిన ఆయన.. ఇలా తన అభిప్రాయాలను వెల్లడించారు.

* తెలంగాణ అభివృద్ధిని అడగడుగునా అడ్డుకుంటున్న ఏపీ సీఎం చంద్రబాబు నాయుడు మద్దతిస్తున్న బీజేపీ మండలి అభ్యర్థులను ఓడించాలని కేటీఆర్ పిలుపునిచ్చారు.
* పట్టభద్రుల నియోజకవర్గ ఎన్నికల్లో నిలబడ్డ బీజేపీ అభ్యర్థులకు ఓటేస్తే.. అది తేదేపా అధ్యక్షుడు చంద్రబాబుకు వేసినట్లేనని ఆయన అన్నారు.
* తెలంగాణాలో బీజేపీ, టీడీపీ మిత్రపక్షాలైతే.. చెరో స్థానంలో పోటీచేయాలని సవాల్ విసిరారు.
* తాము అభ్యర్థలను నిలిపితే ఓడిపోతామని భావించే, భాజపాను అడ్డంపెట్టుకుని బాబు శిఖండి రాజకీయాలు చేస్తున్నారంటూ నిప్పులు చెరిగారు.
* భాజపా అభ్యర్థుల గెలుపుకోసం రూ.కోట్లు కుమ్మరించి ఓట్లు కొనేందుకు ప్రయత్నిస్తున్నారని, దీన్ని అడ్డుకోవాలని ఆయనకోరారు.