దేశాభివృద్ధి శాస్త్ర సాంకేతిక రంగాలతోనే ముడిపడి ఉంది

Posted: 01/03/2015 01:12 PM IST

ముంబై విశ్వ విద్యాలయంలో ఏర్పాటు చేసిన 102 వ భారత సైన్సు కాంగ్రెస్ ను ప్రధాన మంత్రి నరేంద్ర మోడీ ప్రారంభించారు. దేశాభివృద్ధి శాస్త్ర సాంకేతిక రంగాలతో ముడిపడి ఉందన్నారు. ఆ కార్యక్రమాన్ని ప్రారంభించిన అనంతరం ప్రధాని మాట్లాడుతూ దేశ అభివృద్ధిని మనస్పూర్తిగా కాంక్షించే నెహ్రు ఈ సదస్సు ను ప్రారంభించారన్నారు. ప్రపంచాన్ని ఏకతాటి పై నిలిపే శక్తి శాస్త్ర సాంకేతిక రంగానికి ఉందన్నారు. పేదరిక నిర్మూలనకు శాస్త్ర సాంకేతిక రంగం దోహద పడుతుందన్నారు. విజ్ఞాన శాస్త్ర సదస్సులో పాల్గొనటం గౌరవంగా భావిస్తున్నట్లు తెలిపారు.

ప్రపంచమంతా మన వైపు చూస్తోంది. మన శాస్త్ర వేత్తలు అనేక అంశాల్లో ప్రపంచం లోనే ముందు వరసలో ఉన్నారని తెలిపారు. మన అంతరిక్ష రంగం ఎంతో మేధా శక్తి తో కూడుకున్నదని, ఇప్పటికే ఆ రంగాలలో సాధించిన విజయాల గురించి ప్రస్తావించారు. తొలి ప్రయత్నం లోనే మంగళయాన్ ని విజయవంతంగా ప్రయోగించినట్లు, భారత అంతరిక్ష రంగంలో అదొక గొప్ప విజయమని చెప్పారు..ఇలా మన భారత్ కు ఎంతో గొప్ప మేధా శక్తి కలిగి ఉందని, దాన్ని దేశ భవిష్యత్ కు ఉపయోగించాలని చెప్పారు.

హరికాంత్