వచ్చే ఎన్నికల నాటికి ఎపి లో రెండే పార్టీలు ఉంటాయి..!!

Posted: 12/20/2014 04:27 PM IST

కాంగ్రెస్ లో ఉన్నపుడు కీలక నేతగా ఉన్న కావూరి సాంబశివరావు ఎన్నికల ముందు బిజెపి లో చేరిన మాజీ కేంద్ర మంత్రి సాంబశివరావు ఎ పి రాష్ట్ర భావిస్త్యత్ గురించి ఆసక్తికర వ్యాఖ్యలు చేస్తున్నారు. ఈ ఎన్నికలలో వై ఎస్ ఆర్ సి పి పార్టీ ప్రతి పక్షం లో ఉన్నప్పటికీ, వచ్చే ఎన్నికల నాటికి పూర్తిగా తుడిచి పెట్టుకుపోయి బిజెపి బలోపేతం అయి రాష్ట్రము లో బిజెపి, టిడిపిలే ఎపిలో మిగులుతాయని ఆయన అన్నారు. పోటీ కూడా జాతీయ పార్టీ అయిన బిజెపికి, ప్రాంతీయ పార్టీ అయిన టిడిపికి మధ్యే జరుగుతుందని అనడం ద్వారా భవిష్యత్తులో పొత్తు ఉండకపోవచ్చనన్న సంకేతాన్ని కావూరి ఇస్తున్నారు. ప్రస్తుతం టీడీపీకి ప్రతిపక్షంగా ఉన్న వైసీపీ వచ్చే ఎన్నికలకు కనుమరుగైపోవచ్చన్నారు. ఉత్తర భారత దేశంలో పూర్తి ఆదిపత్యం సాధించిన బిజెపి దక్షిణాదిలో ను చేయవచ్చని జోస్యం చెప్పారు. టీడీపీకి బలహీన భాగస్వామిగా ఉన్న బీజేపీ తొందర్లోనే బలమైన భాగస్వామి అవుతుందని , ఆ తర్వాత రాబోయే రోజుల్లో రాష్ట్రంలో బీజేపీ ఒక బలమైన సింగిల్‌ పార్టీగా మారుతుందని అన్నారు.

బిజెపి పార్టీ త్వరలో తన క్యాడర్ ను విస్తరించుకొని రాష్ట్రము లో బలంగా తయారవుతుందని దానికి కార్యకర్తలందరూ కృషి చేస్తున్నారని., భవిష్యత్ బిజెపి పార్టీ టిడి పి పార్టీ ని మాత్రమే ఎదుర్కోవాల్సి వస్తుందని.., కచ్చితంగా ఇపుడు కాకపోయినా భవిష్యత్ రాష్ట్రము లో బిజెపి పార్టీ అధికారం లోకి వచ్చి తీరుతుందని వ్యాఖ్యలు చేసారు. ఇదెలా సాధ్యమో కావూరి సంబాశివ రావె చెప్పాలని టి.డి.పి నేతలు చెవులు కొరుక్కుంటున్నారు.

హరి