ఏపీకి రాజధాని అవసరం లేదు! బొత్స

Posted: 08/13/2014 06:57 PM IST

(Image source from: botsa satya narayana comments on temporary capital vijayawada of andhra pradesh)

కాంగ్రెస్ పార్టీ అధికారంలో వున్నంతవరకు ఉమ్మడి ఆంధ్రప్రదేశ్ కు పీసీస చీఫ్ గా కొనసాగిన బొత్ససత్యనారాయణ... సార్వత్రిక ఎన్నికల అనంతరం ఆ పార్టీ ఘోరంగా పరాజయం కావడంతో అడ్రస్ లేకుండా పోయారు. కనీసం ప్రతిపక్ష హోదా కూడా దక్కని కారణంతో తాము చేసిన తప్పులను సవరించుకునేందుకు ఆ పార్టీ తరఫున ఎన్నో మీటింగ్ లు నిర్వహించగా.. అందులో దాదాపు ఆయన డుమ్మా కొట్టినవే! ఏదో అప్పుడప్పుడు కనిపించడం తప్ప! అంతేకానీ ఈయన ఏ పార్టీ నాయకుడిమీద విమర్శలు మాత్రం గుప్పించలేదు. అయితే ఇప్పుడు తాజాగా ఈయన మరోవివాదంతో తెరమీదకు వచ్చారు. ఆంధ్రప్రదేశ్ రాష్ట్రానికి రాజధాని అవసరం లేదంటూ ఆయన గొంతు విప్పారు. అయితే ఆయన చెప్పింది శాశ్వత రాజధాని గురించి కాదులెండి... తాత్కాలిక రాజధాని మీద! ఏపీ ప్రభుత్వం తాత్కాలిక రాజధానిగా విజయవాడను ఎన్నుకున్నట్లు వచ్చిన వార్తల నేపథ్యంలో ఈయన దానికి వ్యతిరేకంగా వ్యాఖ్యానాలు చేశారు. ఇందులో భాగంగానే ఆయన మాట్లాడుతూ....

* ‘‘ఆంధ్రప్రదేశ్ రాష్ట్రానికి తాత్కాలిగా రాజధానికి హైదరాబాద్ వుండగా... మళ్లీ విజయవాడను ఎందుకు ఎన్నుకుంటున్నారు’’ అని ఆయన అన్నారు.

* తెలుగుదేశం పార్టీ నాయకులకు, కార్యకర్తలకు లాభం చేకూర్చేందుకే విజయవాడను తాత్కాలికంగా రాజధానిని చేశారని ఆయన ఆరోపించారు.

* ఈ విషయంలో అఖిలపక్షం నిర్వహించకుండా.. చంద్రబాబు సర్కార్ ఏకపక్షంగా నిర్ణయం తీసుకుందని.. దీనివెనుక మతలబు ఏంటని ఆయన ప్రశ్నించారు.

* విజయవాడను తాత్కాలిక రాజధానిగా చేయడాన్ని వ్యతిరేకిస్తూ త్వరలోనే చంద్రబాబు నాయుడుకు ఓ లేఖ రాస్తామని బొత్స ప్రకటించారు.

* చంద్రబాబు తీసుకున్న ఈ నిర్ణయాన్ని తాను పూర్తిగా వ్యతిరేకిస్తున్నానని ఆయన వ్యాఖ్యానించారు.

AS