అప్పుడు చెప్పింది ఇప్పుడు నిజమైంది!

Posted: 07/05/2014 12:52 PM IST

(Image source from: apngo president ashok babu fires on kcr and telangana government)

* ఏపీఎన్జీవోల సంఘ అధ్యక్షుడు అశోక్ బాబు... శనివారం గుంటూరు విలేకరులతో ప్రస్తుతమున్న పరిస్థితుల గురించి మాట్లాడారు.

* ఏపీఎన్జీవోల సంఘం అధ్యక్షుడు అయిన పరుచూరి అశోక్ బాబు... కేసీఆర్ ప్రభుత్వంపై తీవ్రంగా విమర్శలు గుప్పించారు.

* రాష్ట్ర విభజన జరిగిన ఇన్నిరోజులయినా... ఇంతవరకు ఐఏఎస్ అధికారుల పంపిణీ ప్రక్రియను కేంద్రప్రభుత్వం ఇంకా పూర్తి చేయలేదని దుయ్యబట్టారు. అలా చేయకపోవడం వల్ల దిగువస్థాయిలో పరిపాలనకు కొంత ఇబ్బందిగా ఎదురవుతోందని ఆయన వ్యాఖ్యానించారు.

* గుంటూరు విలేకరుల సమావేశంలో మాట్లాడిన అశోక్ బాబు.. ఐఏఎస్ అధికారుల పంపిణీ ప్రక్రియను సాధ్యమైనంతవరకు స్పష్టత రావాల్సి వుందని ఆయన అభిప్రాయపడ్డారు.

* అలాగే ‘‘విభజన వల్ల నష్టపోయేది కేవలం ఉద్యోగులేనని తాము మొదటినుంచి చెప్పుకుంటూ వస్తున్నామని... ప్రస్తుతం ఇప్పుడు అదే పరిస్థితి ఏర్పడిందని’’ ఆయన ఆవేదన వ్యక్తం చేశారు.

* సచివాలయం పంపిణీలో సరైన సౌకర్యాలు లేని భవంతులను ఆంధ్రప్రదేశ్ రాష్ట్రానికి, మంచి సౌకర్యాలున్న భవనాలను తెలంగాణ రాష్ట్రానికి ఇచ్చి అన్యాయం చేస్తున్నారని ఆయన ఎద్దేవా చేశారు.

* ఏపీఎన్జీవోలకు కేటాయించిన భూములను వెనక్కు తీసుకోవడం సమంజసం కాదని తన మనసులోని భావాలను వ్యక్తపరిచారు.

* ఆంధ్రప్రదేశ్ సీఎం చంద్రబాబు నాయుడుకి అశోక్ బాబు సలహాలిస్తూ.. ఆంధ్రప్రదేశ్ రాష్ట్రానికి రాజధాని ఎక్కడ అనే విషయం త్వరగా తేలితేనే ఉద్యోగస్తులకు తమ ఆప్షన్లను ఎంచుకునే వీలుంటుందని చెప్పిన ఆయన... ఈ విషయాన్ని చంద్రబాబు త్వరగా పరిశీలించాలని సూచించారు.