ముంబైకి మకాం మార్చబోతున్నాడు

Posted: 06/21/2013 08:56 PM IST

టాలీవుడ్ మెగా పవర్ స్టార్  రామ్ చరణ్ తేజ్ హైదరాబాద్ నుండి మకాం మార్చబోతున్నాడా ? అంటే అవుననే అంటున్నాయి. ప్రస్తుతం తెలుగు తో పాటు బాలీవుడ్ లో కూడా అడుగు పెట్టిన రామ్ చరణ్ తేజ్ మరిన్ని సినిమాలు బాలీవుడ్ లో చేయడానికి ప్లాన్ చేసుకున్నాడా ? లేక అక్కడ ఉంటూ అన్ని భాషల చిత్రాలను కవర్ చేయాలని అను కున్నాడో ఏమో కానీ ఆయన తాజాగా ముంబయిలోని సబరన్ లో 4000 ఫీట్ల వెడెల్పు గల ఓ ఫ్లాట్ ని కొనుగోలు చేశాడని, దీనిని చరణ్ భార్య అయిన ఉపాసన కూడా చూసి ఫైనల్ చేసిందని ముంబై వర్గాల సమాచారం. దీనికి సంబంధించిన పనులు పూర్తి కాగానే హైదరాబాద్ నుండి ముంబైకి మకాం మారుస్తాడని ఆయన సన్నిహితులు చెబుతున్నారు. ప్రస్తుతం పలు తెలుగు చిత్రాలతో పాటు బాలీవుడ్ జంజీర్ రీమేక్ లో నటిస్తున్న ఈయన త్వరలో మరో హిందీ సినిమా చేసే ఆలోచనలో ఉన్నాడని అంటున్నారు. దీంతో పాటు తమిళ, మళయాళంలో కూడా కన్నేసినట్లు సమాచారం. పూర్వ లఖియా దర్శకత్వంలో రూపొందుతున్న ఈచిత్రంలో రామ్ చరణ్ సరసన ప్రియాంక చోప్రా హీరోయిన్. 1973లో అమితాబ్, జయాబచ్చన్ జంటగా నటించిన ‘జంజీర్' చిత్రానికి రీమేక్ గా ఈ చిత్రాన్ని రూపొందించారు. ఈ చిత్రం ఎప్పుడో విడుదల కావాల్సి ఉన్నా, కొన్ని అనివార్య కారణాల వల్ల విడుదల కావడం లేదు.