పొల్లాచ్చిలో రభస చేస్తున్నాడు

Posted: 01/29/2014 09:23 PM IST

జూనియర్ ఎన్టీఆర్ పొల్లాచ్చిలో ‘రభస ’ చేస్తున్నాడు. ప్రస్తుతం ఈయన సంతోష్ శ్రీనివాసన్ దర్శకత్వంలో సినిమా చేస్తున్న విషయం తెలిసిందే. ఈ సినిమాలో వచ్చే ఇంట్రడక్షన్ సాంగ్ ను అంత్యంత ఉన్నతంగా చిత్రీకరిస్తున్నారని సమాచారం. ఈ సాంగ్స్ కోసం ఎన్టీఆర్ స్టెప్పులు అదిరిపోయే విధంగా చేస్తున్నాడని అంటున్నారు. 

కొద్ది రోజుల క్రితం వరకు ఈ సినిమాలోని ఓ ఫ్యామిలీ సాంగ్ ని హైదరాబాద్ లో షూట్ చేసారు. ఎన్.టి.ఆర్ సరసన సమంత మూడోసారి హీరోయిన్ గా జతకడుతున్న ఈ సినిమాలో ప్రణిత సెకండ్ హీరోయిన్ గా కనిపించనుంది. యాక్షన్ ఎంటర్టైనర్ గా తెరకెక్కుతున్న ఈ సినిమాలో కామెడీ డోస్ కూడా బాగా ఎక్కువగా ఉండేలా ఈ చిత్ర టీం జాగ్రత్తలు తీసుకుంటోంది. ఎస్ఎస్ థమన్ మ్యూజిక్ కంపోజ్ చేస్తున్న ఈ సినిమాని బెల్లంకొండ సురేష్ నిర్మిస్తున్నాడు.