సుమతీ శతకము

Posted: 04/15/2014 11:18 AM IST

ఉడుముండదె నూఱేండ్లును

బడియుండదె పేర్మిఁబాము పదినూఱేండ్లున్

మడువుఁ గొక్కెర యుండదె

కడు నిల బురుషార్థపరుఁడు కావలె సుమతీ!

టీకా : పేర్మిన్ = జీవించడంలోని ఎక్కువదనంతో ; పదనూఱేండ్లున్ = వేయి సంవత్సరాల కాలం ; మడువునన్ = కొలనులో ; కొక్కెర = కొంగ, ఇలన్ = ప్రపంచంలో ; కడున్ = మిక్కిలి ; పురుషార్థపరుడు = ధర్మార్థకామ మోక్షములలో ఆసక్తి కలవాడు ; కావలెన్ = కావాలి

తాత్పర్యము : ఉడుము, పాము, కొంగ, ఇంకా ఇతర జాతుల జంతువులు కాలకాలం తమ జీవితాన్ని అనుభవిస్తున్నాయి... జీవిస్తున్నాయి. అలాగే మానవులు కూడా జీవిస్తున్నారు. కాబట్టి మానవులకు, జంతువులకు పెద్ద తేడా ఏమీ లేదు. కానీ ప్రపంచానికి ధర్మార్థకామ మోక్షములలో ఆసక్తి కలిగిన ఒక మానవుడు ఎంతో అవసరం.