పెళ్లికి ముందే బాయ్ ఫ్రెండ్ తో రొమాన్స్ చేస్తున్న ఇల్లీ

Posted: 07/14/2014 04:36 PM IST

(Image source from: Ileana to act with her boyfriend in happy endings movie)

గోవా బ్యూటీ ఇలియానా పెళ్లికి ముందే తన బాయ్ ప్రెండ్ తో రొమాన్స్ చేయడానికి సిద్ధమని చెబుతోంది. ఆస్ట్రేలియాలో ప్రముక ఫోటోగ్రాఫర్ అయిన ఆండ్రూతో ఈ సన్ననడుము భామ గత కొంతకాలం నుంచి చట్టపట్టాలేసుకుని తిరుగుతున్న విషయం తెలిసిందే! ప్రస్తుతకాలంలో పెళ్లికిముందు రొమాన్స్ చేయడం కామనే అంటారా..? ఆ విషయాల గురించి అంత డీప్ గా అయితే మాకు తెలియదులెండి. తెరవెనుక వీరిద్దరి పర్సనల్ జీవితాల గురించి అంతగా తెలియదు కానీ.. తెరముందు మాత్రం ఈ జంట ఒక సినిమాలో రొమాన్స్ చేయనున్నారని సమాచారం!

ఇలియానా బాలీవుడ్ లో తాజాగా నటిస్తున్న చిత్రం ‘‘హ్యాపీ ఎండింగ్’’! అయితే ఈ సినిమాలో ఇల్లీకి తోడుగా కొన్ని సీన్స్ లలో నటించే ఓ నటుడు కోసం ఆ మూవీ దర్శకులైన రాజ్ నిడుమోరు - కృష్ణ డీకే వెతుకులాట మొదలుపెట్టారు. అదే సమయంలో ఈ చిత్రం షూటింగ్ జరుగుతున్న స్పాట్ లలో ఇల్లీ బాయ్ ఫ్రెండ్ ఆండ్రూ తనను కలవడానికి తరచుగా వచ్చేవాడని యూనిట్ సభ్యులు పేర్కొంటున్నారు. ఆండ్రూ ప్రతిసారి ఇలియానాను కలవడానికి రావడాన్ని ఆ మూవీ దర్శకులు గమనించారు. దాంతో వారిద్దరూ తమ అన్వేషణను నిలిపివేసి, ఆండ్రూని ఇల్లీ పక్కన తమ సినిమాలో నటించాల్సిందిగా అడిగారట!

‘‘నువ్వు మా సినిమాలో ఇలియానాతో కొన్ని సన్నివేశాలలో నటిస్తావా..?’’ అని అడగగానే అతను వెంటనే ఓకే చెప్పేశాడని సమాచారం! ఈ విషయం తెలుసుకున్న ఇలియానా కూడా సంతోషంగా గంతులేయడం ప్రారంభించిందని యూనిట్ వర్గాలు తెలుపుతున్నాయి. దీంతో ఇలియానా బాయ్ ఫ్రెండ్ తన ప్రేయసితోనే బాలీవుడ్ ఎంట్రీ ఇవ్వబోతున్నాడు.