ITEMVIDEOS: సముద్రంలో విమానం క్రాష్.. నవ్వుతూ సెల్పీలు దిగిన ప్రయాణికులు

Posted: 08/22/2019 08:45 PM IST

తాము ప్రయాణిస్తున్న విమానం కుప్పకూలిపోతుందని తెలిస్తే.. ఎవరైనా అందోళనకు చెందుతారు. ఇక ఇవే తమకు చివరి క్షణాలని కూడా భావిస్తారు. నమ్మినవారు. నమ్మనివారు అంతా దేవుణ్ణి ప్రార్థించి, తమను కాపాడమని, లేదా విమానం క్రాష్ కాకుండా చూడాలని మొక్కుతారు. కానీ ఈ విమానంలోని ప్రయాణికులు మాత్రం అందుకు భిన్నంగా వ్యవహరించారు. నవ్వుకుంటూ సెల్ఫీలు తీసుకున్నారు. పైలట్‌తో సహా అంతా ఉల్లాసంగా కనిపించారు. ఇదేం చోద్యం అనుకుంటున్నారా?

ఇదిగో ఈ వీడియో చూస్తే మీరు కూడా షాకవుతారు. ప్రమాదాన్ని కూడా వీరు పండగలా ఫీలవ్వుతున్నారే అని ఆశ్చర్యపోతారు. ఓవెన్ లైపెల్ట్ అనే పైలట్ బీచ్‌క్రాఫ్ట్ బొనాంజ అనే లైట్ ఎయిర్ క్రాఫ్ట్‌లో ప్రయాణికులతో విహారానికి బయల్దేరాడు. మార్గ మధ్యలో ఆ విమానం ఇంజిన్ ఫెయిలైంది. దీంతో విమానాన్ని నేరుగా పసిఫిక్ మహాసముద్రంలో ముంచేశాడు. అనంతరం మునిగిపోతున్న ఎయిర్ క్రాఫ్ట్‌తో సెల్ఫీలు తీసుకున్నాడు.

మరోవైపు ప్రయాణికులు సైతం ప్రమాదాన్ని ఎంజాయ్ చేయడం కనిపించింది. నీటిలో తేలుతూ సెల్ఫీ వీడియోల్లో మాట్లాడుతూ.. సరదాగా గడిపేశారు. ఈ ప్రమాదం కాలిఫోర్నియాకు తొమ్మిది మైళ్ల దూరంలోనే జరిగింది. దీంతో రెస్క్యూ సిబ్బంది హుటాహుటిన అక్కడికి చేరుకుని నీటిలో లైఫ్ జాకెట్ల సాయంతో తేలుతున్న ప్రయాణికులను, పైలట్‌ను రక్షించారు. ఈ ప్రమాదంలో ఎవరికీ గాయాలు కాలేదు.