Pawan Kalyan Fulfills His Die Hard Fan Wish అభిమానికి అండగా నిలిచిన జనసేనాని పవన్ కల్యాణ్..

Pawan kalyan meet party activist who suffers with cancer

pawan kalyan, janasena, Pawan Kalyan fan, cancer patient, prakasham district, tripuranthakam, annasamudram, budigaiah, jana sena activist, general elections, andhra pradesh, politics

Pawan Kalyan has met Pathakuti Budigaiah, his party activist and a fan, who was suffering from cancer. It may be mentioned here that Budigaiah and his family members called on Pawan Kalyan at his Janasena Party office at Hyderabad

ITEMVIDEOS: అభిమానికి అండగా నిలిచిన జనసేనాని పవన్ కల్యాణ్..

Posted: 08/20/2019 07:12 PM IST
Pawan kalyan meet party activist who suffers with cancer

నిండు ఆకాశమంత మనస్సు ఉన్న రాజువయ్యా.. పండు వెన్నెల లాంటి చల్లని చూపుల రేణువయ్యా.. ఈ పాట చిన్నరాయుడు చిత్రంలోనిదే.. కానీ అక్షరాల సినీనటుడు, జనసేన పార్టీ అధినేత పవర్ స్టార్ పవన్ కల్యాణ్ విషయంలో మాత్రం నూటికి నూరుశాతం నిజమనే చెప్పాలి. ఆయన తన సుదీర్ఘ సినీ కెరీర్ లో తీసినవి చాలా తక్కువ చిత్రాలే అయినా.. ఆయనకున్న అభిమానగణం మాత్రం ఎంతో ఎక్కువ. వరుసగా పలు చిత్రాలు బాక్సాఫిసు వద్ద సవ్వడి చేయలేకపోయినా.. ఆయన అభిమానుల సంఖ్య పెరుగుతూనే వచ్చింది తప్ప.. తగ్గలేదు.

ఇది కేవలం ఆయనలోని నటుడ్ని చూసి మాత్రమే కాదు.. ఆయన గుణగణాలను, ఆయనలో మానవత్వం.. స్పందించే హృదయం కోట్లాది మందిని ఆయన అభిమానులుగా మార్చింది. సముద్రమంత సమూహంలా ఆయన అభిమానగణం వున్నారంటే అది దైవసంకల్పమే. తాజాగా కేన్సర్‌తో బాధపడుతున్న అభిమాని కోరిక తీర్చాడు జనసేన అధినేత పవన్ కళ్యాణ్. అభిమానిని కలిసి ధైర్యం చెప్పి.. జనసేన పార్టీ తరపున తన చేతులు మీదుగా ఆర్థిక సాయం అందజేశారు.. జనసేన పార్టీ అండటా ఉంటుందని భరోసా నింపారు. అభిమాని ఆరోగ్యం పరిస్థితిపై ఆరా తీసి.. వినాయకుడి విగ్రహాన్ని బహూకరించారు..

త్వరగా కోలుకోవాలని ఆకాంక్షించారు పవన్ కళ్యాణ్. ప్రకాశం జిల్లా త్రిపురాంతకం మండలం, అన్నసముద్రానికి చెందిన బుడిగయ్య పవన్ కల్యాణ్ ‌కు వీరాభిమాని. కొంతకాలంగా కేన్సర్ తో బాధపడుతున్న అతడు.. కీమో థెరపీ తీసుకుంటూ జనసేన పార్టీ కార్యకలాపాల్లో చురుగ్గా పాల్గొన్నారు. వ్యాధి తీవ్రత ఎక్కువ కావడంతో కొంతకాలంగా మంచానికే పరిమితమయ్యారు. పవన్ కళ్యాణ్ ను ఓసారి చూడాలని.. తన మనసులో కోరికను స్థానిక జనసేన నేతలకు చెప్పాడు. నేతలు విషయాన్ని అధినేత దృష్టికి తీసుకెళ్లడంతో.. బుడిగయ్యను పరామర్శించేందుకు అన్నసముద్రం వస్తానని చెప్పారు.

ఈలోపే బుడిగయ్యను అంబులెన్స్‌ లో హైదరాబాద్ లో ఉన్న ప్రశాసన్ నగర్ లో జనసేన పార్టీ ప్రధాన కార్యాలయానికి తీసుకువచ్చారు. అతడ్ని పవన్ కల్యాణ్ పరామర్శించారు.. అభిమాని భార్యను వివరాలు అడిగి తెలుసుకున్నారు. మంగళగిరిలో ఎన్‌.ఆర్‌.ఐ ఆస్పత్రి వైద్యులతో తాను స్వయంగా మాట్లాడుతానని చెప్పిన జనసేనాని.. బుడిగయ్య ఆరోగ్య పరిస్థితులను ఎప్పటికప్పుడు పర్యవేక్షించాలని యర్రగొండపాలెం జనసేన పార్టీ ఇంఛార్జ్ డా.గౌతమ్ కు సూచించారు.

If you enjoyed this Post, Sign up for Newsletter

(And get your daily news straight to your inbox)

Rate This Article
(0 votes)
Tags : pawan kalyan  janasena  Pawan Kalyan fan  cancer patient  prakasham  annasamudram  budigaiah  andhra pradesh  

Other Articles

Today on Telugu Wishesh