అరుణ్ జైట్లీ అరోగ్యం మరింత విషమం.. ఎయిమ్స్ కు రాష్ట్రపతి

Posted: 08/16/2019 08:23 PM IST

కేంద్ర మాజీ ఆర్థికమంత్రి బీజేపీ సీనియర్ నేత అరుణ్ జైట్లీ ఆరోగ్య పరిస్థితి అత్యంత విషమంగా మారింది. దీంతో కుటుంబసభ్యులు ఆయనను హుటాహుటిన ఢిల్లీ ఎయిమ్స్ ఆస్పత్రికి తరలించి చికిత్స అందిస్తున్నారు. శ్వాసకోస వ్యాధులతో అస్వస్థతకు గురైన అరుణ్ జైట్లీ..  గత వారంలో (ఈ నెల 9న) ఎయిమ్స్ అసుపత్రిలో చేరిన ఆయనకు వైద్యులు చికిత్సను అందిస్తున్నారు. కాగా, ఆయన అరోగ్య పరిస్థితి అకస్మాత్తుగా ఇవాళ మరింత విషమంగా మారింది.

9వ తేదీ నుంచి ఆయన్ను ఐసీయూలో నిరంతరం వైద్యుల పర్యవేక్షణలోనే చికిత్సను పోందుతున్నారు. కాగా, ఇవాళ ఆయన ఆరోగ్యం మరోమారు విషమించింది. ఈ విషయాన్ని తెలుసుకున్న రాష్ట్రపతి రామ్ నాథ్ కోవింద్, బీజేపి జాతీయ అద్యక్షుడు, కేంద్ర హోంశాఖా మంత్రి అమిత్ షా, బీజేపి నేతలు, కేంద్రమంత్రులు ఎయిమ్స్ కు చేరుకోనున్నారు.

రాష్ట్రపతి కోవింద్ అరుణ్ జైట్లీని పరామర్శించి.. ఆయన ఆరోగ్య పరిస్థితిపై వైద్యులను ఆరా తీశారు. 66 ఏళ్ల అరుణ్ జైట్లీ  గత కొంతకాలంగా అనారోగ్యంతో బాధపడుతున్నారు. అందుకే ఆయన 2019సార్వత్రిక ఎన్నికలకు కూడా దూరంగా ఉన్నారు. మంత్రివర్గంలోకూడా చేరలేదు. గతంలో ఎన్డీయే ప్రభుత్వంలో కీలకమైన బాధ్యతలను నిర్వర్తించారు. గతంలో కేంద్ర ఆర్థిక శాఖమంత్రిగా కీలక బాధ్యతలు నిర్వహించారు.