ఉత్తరప్రదేశ్ లోని వారణాసి లోక్ సభ నియోజకవర్గంలో పోలింగ్. ఇప్పటికే మూడు సార్లు వారణాసి టూరేసిన మోదీ.. ఈసారి ఇక్కడ రిపీట్ కొట్టే తీరతానంటూ ధీమాతో వున్నారు. అందుకే.. ఏడో దశ పోలింగ్కి ముందు మళ్ళీ వారణాసి వెళ్లబోనంటూ షెడ్యూల్ మార్చుకున్నాడు. ఒకవైపు.. ఇంతటి భరోసాతో ఉన్నప్పటికీ.. మరోవైపు నుంచి ఆయన్నొక సందేహం పొడుస్తూనే వుంది. గతంలో 2014లో ఆమ్ ఆద్మీ పార్టీ అధ్యక్షుడు కేజ్రీవాల్ నుంచి గట్టి పోటీ తప్పదన్న వార్తలు కూడా ఆయన్ను ఇబ్బందిపెట్టాయి. కానీ.. అఖండ మెజారిటీతో నెగ్గారు. కానీ.. ఇప్పుడు ఏమవబోతోంది? మోదీ అనుమానానికి కారణం ఆమే.. షాలినీ యాదవ్..!
ఎస్పీ-బీఎస్పీ కూటమి అభ్యర్థిగా మోదీని ఢీకొంటున్న షాలినీ యాదవ్ మీద దేశవ్యాప్తంగా ఆసక్తి నెలకొంది. మాజీ జవాన్ తేజ్ బహద్దూర్ యాదవ్ నామినేషన్ తిరస్కారానికి గురవ్వడంతో చివరి నిమిషంలో ఈమెను ఓకే చేసింది కూటమి. రెండు ప్రధాన ప్రాంతీయ పార్టీలు బలపరుస్తున్న షాలినీ యాదవ్కి.. సొంత బ్యాక్గ్రౌండ్ కూడా గట్టిగానే వుంది. గతంలో వారణాసి ఎంపీగా గెలిచి.. కేంద్ర మంత్రిగా, రాజ్యసభ డిప్యూటీ చైర్మన్గా చేసిన శ్యామ్ లాల్ యాదవ్కి ఈమె కోడలు. ఇటీవల జరిగిన మేయర్ ఎన్నికల్లో కూడా బరిలో దిగిన షాలినీ యాదవ్.. రెండో స్థానంలో నిలిచి సత్తా చాటుకుంది. ఈసారి లోక్సభ ఎన్నికల్లో కూడా షాలినీ హవా నడుస్తుందన్న విశ్వాసం కొంతమందిలో లేకపోలేదు.
”2014లో ఆయనకు అన్నీ ఎలా అనుకూలంగా ఉండేవో.. అవన్నీ ఇప్పుడు ప్రతికూలంగా మారాయి. మోదీ చెప్పిన అచ్చే దిన్ ఎక్కడా కనిపించడం లేదు. మోదీ ఒక మోసగాడు అనే మాట అన్నివైపుల నుంచీ వినిపిస్తోంది. ట్రిపుల్ తలాక్ నిరోధక చట్టం, గంగమ్మ ప్రక్షాళనను నిర్లక్ష్య పరచడం లాంటివన్నీ చూసి మోదీని ఓడించడానికి మహిళాలోకం సిద్ధంగా వుంది” అంటూ తనకున్న పాజిటివ్ ఎలిమెంట్స్ని ఏకరువు పెడుతోంది షాలినీ యాదవ్. కులం కార్డు, కూటమి బలం, విమెన్ సెంటిమెంట్.. ఫ్యామిలీ బ్యాక్గ్రౌండ్.. ఇలా తనకు అనుకూలంగా అనేక అంశాలు ఉన్నాయన్నది ఆమె ధీమా. ఒకవేళ ఓడిపోయినా మోదీ లాంటి ఉక్కుమనిషిని ఢీకొట్టిన మహిళగా చరిత్రలో నిలిచిపోతుంది అంటూ.. షాలిని యాదవ్ మీద సానుభూతి కురిపిస్తున్నారు వారణాసి జనాభా.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more