చేవెళ్ల వద్ద రోడ్డు ప్రమాదం.. టీవీ నటీమణులు దుర్మరణం,,

Posted: 04/17/2019 02:58 PM IST

Two telugu tv serial actress anusha reddy and bhargavi died in a road accident

హైదరాబాద్ నగరం నుంచి కొంత దూరంలో సినిమా షూటింగ్ లో పాల్గోని తిరిగి వస్తున్న నటీమణులకు ఆ ప్రయాణమే చిట్టచివరిదైంది. ఓ సీరియల్ షూటింగ్ నిమిత్తం వికారాబాద్ జిల్లా అనంతగిరి అడవులకు వెళ్లిన టీవీ సిరియల్ బృందంలోని నటీమణుల కారు.. తిరుగుప్రయాణమై వస్తున్న వేళ, ఎదురుగా వస్తున్న లారీని తప్పించబోయి చెట్టును ఢీకొనింది. దీంతో ఇద్దరు టీవీ ఆర్టిస్టులు మృతిచెందారు. ఈ ఘోర ప్రమాదం చేవెళ్ల సమీపంలోని అప్పారెడ్డి గూడ బస్టాప్ వద్ద జరిగింది.

మోయినాబాద్ పోలీసులు తెలిపిన వివరాల ప్రకారం ఓ టీవీ సీరియల్ లో నటిస్తున్న భార్గవి (20), అనుషా రెడ్డి (21)లు షూటింగ్ ముగించుకుని హైదరాబాద్ కు తిరుగుపయనం అయ్యారు. సరిగ్గా అప్పారెడ్డి గూడ వద్దనున్న మలుపులో అత్యంత వేగంగా ఎదురుగా దూసుకువచ్చిన లారీని గమనించిన డ్రైవర్ చక్రీ.. వెంటనే అప్రమత్తమై కారును పక్కకు తిప్పగా, అదుపు తప్పి కారును ఢీకొనింది. ఈ ఘటనలో నిర్మల్‌ కు చెందిన భార్గవి (20), భూపాలపల్లి జయశంకర్‌ జిల్లాకు చెందిన అనుషారెడ్డి (21) మరణించారు.

కారులో మొత్తం నలుగురు ప్రయాణిస్తున్నారని.. వారిలో కారు డ్రైవర్‌ చక్రితో పాటుగా నటిమణులతో కలసి ప్రయాణిస్తున్న వినయ్‌ కుమార్‌ లకు తీవ్ర గాయాలయ్యాయని పోలీసులు తెలిపారు. వారిని చికిత్స నిమిత్తం ఉస్మానియా ఆసుపత్రికి తరలించామని చెప్పారు. నటీమణుల మృతదేహాలను కూడా పోస్టుమార్టం నిమిత్తం ఉస్మానియా అసుపత్రికి తరిలించామని చెప్పారు. ప్రమాదఘటనపై సమాచారం అందుకున్న ఘటనాస్థలానికి చేరుకున్న పోలీసులు కేసు నమోదు చేసి దర్యాఫ్తు చేస్తున్నారు.