ITEMVIDEOS: నడిరోడ్డుపై పరుగెత్తుకెళ్లి.. యువకుడ్ని కొట్టిన బాలకృష్ణ

Posted: 04/08/2019 12:45 PM IST

టీడీపీ కార్యకర్తలపై, అభిమానులపై నోటితోపాటు చేయి కూడా చేసుకుంటూ తరచూ వివాదాల్లోకి చిక్కకునే సినీనటుడు, హిందూపురం టీడీపీ అభ్యర్థి, సిట్టింగ్ ఎమ్మెల్యే నందమూరి బాలకృష్ణ.. మరోమారు వార్తల్లోకెక్కారు. ఇటీవల హిందూపురంలోని తన అసెంబ్లీ నియోజకవర్గంలో ఓ విలేఖరిని బెదిరించి తాను రికార్డింగ్ చేసిన విజువల్స్ ను డిలీట్ చేయించడంతో విమర్శలు ఎదుర్కోన్న బాలయ్య ఆ తరువాత మీడియాకు క్షమాపణలు చెప్పారు. అంతటితో ఆగకుండా

తనకు ఎంతమేర మెజారిటీ వస్తుందన్న అంశంలో కూడా ఓ గ్రామంలో రోడ్ షో నిర్వహిస్తూ తన అభిమానిని.. పీక కోస్తా అంటూ హెచ్చరించిన వీడియో కూడా నెట్టింట్లో వైరల్ గా మారింది. అంతటితో ఆగకుండా లేపిపారదొబ్బుతా అంటూ కూడా వార్నింగ్ ఇచ్చారు. ఇక తాజాగా ఎన్నికలలో తాను తన కార్యకర్తలపై అగ్రహం వ్యక్తం చేసినా.. లేక మండిపడినా.. లేక చేయి చేసుకున్నా విజయం సాధిస్తానన్న సెంటిమెంటును ఏమైనా పెట్టుకున్నారో ఏమో తిలియదుకానీ ఆయన సంబంధించిన మరో వీడియో ఇప్పుడు నెట్టింట్లో విస్తృతంగా చక్కర్లు కొడుతొంది.

తాజాగా ఓ అభిమానిని నడిరోడ్డుపై పరిగెత్తించి మరీ కొట్టారు. విజయనగరం జిల్లా చీపురుపల్లిలో అక్కడి టీడీపీ అభ్యర్థి కిమిడి నాగార్జునకు మద్దతుగా ప్రచారం నిర్వహించిన బాలయ్య.. ఓ యువకుడిపై దాడి చేస్తుండగా చిత్రీకరించిన వీడియో ఇది. అభిమానిని పరిగెత్తించిన బాలకృష్ణ అతడిని పట్టుకుని కొట్టడం కనిపిస్తోంది. అయితే, బాలకృష్ణ ఆ అభిమానిపై చేయి చేసుకోవడానికి ముందు ఏం జరిగిందన్నది విషయాలు తెలియరాలేదు.

అభిమాని వెంటపడి మరీ కొట్టాల్సినంత పెద్ద తప్పు ఏం జరిగిందన్న వివరాలు తెలియాల్సి వుంది. సోషల్ మీడియాలో ఇప్పుడీ వీడియో వైరల్ అవుతోంది. ప్రతిపక్ష పార్టీ వైసీపీ తన ట్విట్టర్ ఖాతాలోనూ ఈ వీడియోను పోస్టు చేసింది. కాగా, ఈ వీడియో కొంత అస్పష్టంగా ఉండడంతో బాలయ్యను పోలిన వ్యక్తి అన్న అనుమానాలను కూడా కొందరు వ్యక్తం చేస్తున్నారు.