జనసేనతో జట్టు కట్టిన అబ్దుల్ కలాం సలహాదారు పోన్ రాజ్

Posted: 02/07/2019 09:27 PM IST

జనసేన పార్టీ అడ్వయిజరీ కౌన్సిల్ సభ్యుడిగా డాక్టర్ వి.పొన్ రాజ్ ను జనసేనాని పవన్ కల్యాణ్ నియమించారు. ఈ మేరకు జనసేన పార్టీ అధినేత పవన్ కల్యాణ్ ప్రకటించారు. ఈ సందర్భంగా జనసేన పార్టీ కార్యాలయంలో ఓ కార్యక్రమం నిర్వహించి, పొన్ రాజ్ ని అభినందించారు. అనంతరం పవన్ కల్యాణ్ మాట్లాడుతూ, మాజీ రాష్ట్రపతి ఏపీజే అబ్దుల్ కలామ్ కు పొన్ రాజ్ అడ్వయిజర్ గా ఉండే వారని, అలాంటి వ్యక్తిని తమ పార్టీ అడ్వయిజరీ కౌన్సిల్ సభ్యుడిగా ఉండటం తనకు ఆనందాన్ని ఇస్తోందని అన్నారు.

తన అభ్యర్ధన మన్నించి పార్టీ కోసం పనిచేయడానికి అంగీకరించినందుకు ఆయనకు కృత‌జ్ఞ‌తలు తెలియజేస్తున్నాను. అమూల్యమైన ఆయన సలహాలు బడుగు, బలహీన వర్గాలను ఆర్ధికంగా అభివృద్ధికి ఉపయోగపడతాయి. ఆయన తోడ్పాటు ప్రభుత్వ పాలసీల్లో ప్రతిభింబించి సామాజికంగా అణగారిన వర్గాల భవిష్యత్తును మార్చడానికి దోహదపడుతుందని నేను నమ్ముతున్నానని పవన్ కల్యాణ్ అన్నారు.

పవన్ లో నాయకత్వ లక్షణాలు మెండు: పొన్ రాజ్

పవన్ కల్యాణ్ ని కలవడం తనకు చాలా సంతోషంగా ఉందని పొన్ రాజ్ అన్నారు. ఏపీపై ఉన్న ఆయన విజన్ ని చూసి ఆశ్చర్యపోయానని అన్నారు. కేవలం, రాష్ట్రమే కాకుండా దేశం అభివృద్ధి చెందాలన్న ఆలోచన పవన్ ది అని, నాయకత్వ లక్షణాలు మెండుగా ఉన్న పవన్ తో కలిసే పనిచేస్తానని అన్నారు. ఇక ఆంధ్ర ప్రదేశ్ గురించి ఆయనకున్న విజన్ చాలా అద్భుతంగా  ఉంది. రాష్ట్ర సర్వతోముఖాభివృద్ధికి ఆయన ఆలోచనలూ, నిబద్దతా ఎంతో ఉపయోగపడతాయని అన్నారు.

జనసేన పార్టీ అడ్వయిజరీ కౌన్సిల్ మెంబెర్ గా అబ్దుల్ కలాం గారి అడ్వయిజర్ వి.పొన్ రాజ్ గారుhttps://t.co/VqhUeKw98m

— JanaSena Party (@JanaSenaParty) February 7, 2019

అబ్దుల్ కలామ్ అకాంక్షించినట్లుగా యువత రాజకీయాల్లోకి రావాలనీ దేశ అభివృద్ధికి పాటుపడాలన్న తపన కూడా పవన్ కళ్యాణ్ వుందన్నారు. జనసేనానిని ఫాలో చేస్తున్న వారినీ చూస్తుంటే అది నిజం అయ్యిందనిపిస్తోంది. పవన్ కళ్యాణ్ లో నాయకత్వ లక్షణాలు, సృజనాత్మకత మెండుగా ఉన్నాయన్నారు. రాష్ట్రం మాత్రమే కాదు ఆయన నేతృత్వంలో దేశం కూడా ఏ అభివృద్ధి చెందిన ఏ దేశానికీ తీసిపోనివిధంగా అభివృద్ధిలో దూసుకుపోతుందని అన్నారు