అమెరికాలో ఆలయంగా మారునున్న పురాతన ప్రార్థనా మందిరం..

Posted: 12/24/2018 01:14 PM IST

30 year old us church to be converted into temple

అగ్రరాజ్యం అమెరికాలోని ఓ మతానికి చెందిన ప్రార్థనా మందిరం తర్వలో హిందూ దేవాలయంగా మారనుంది. అమెరికాలోని వర్జీనియా రాష్ట్రంలోని పోర్ట్స్ మౌత్ ప్రాంతంలోని 30 ఏళ్ల కిందట నిర్మితమైన క్రైస్తవ మతానికి చెందిన ప్రార్థనా మందిరం చర్చ్‌ను స్వామి నారాయణ ఆలయంగా మార్చనున్నారు. ఆలయానికి అనుగుణంగా కొన్ని మార్పులు చేసిన అనంతరంలో ఇందులో విగ్రహ ప్రతిష్ఠ జరుగునుంది.

గుజరాత్ రాష్ట్రం అహ్మదాబాద్‌లోని స్వామి నారాయణ్ సంస్థాన్ అమెరికాలోని ఆలయాలుగా మార్చిన చర్చులలో ఇది ఆరోది, ప్రపంచంలో తొమ్మిదోది. గతంలో కాలిఫోర్నియా, ల్యూస్వెల్లీ, పెన్సుల్వేనియా, లాస్ ఏంజెల్స్, ఓహియాలోని చర్చ్‌లు ఆలయాలుగా మారాయి. అలాగే బ్రిటన్‌లోని లండన్, మాంచెస్టర్ సమీపంలోని బోల్టన్ చర్చ్‌, 125 ఏళ్ల కిందట నిర్మించిన కెనడాలోని టొరొంటో చర్చ్‌‌ను స్వామి నారాయణ్ ఆలయంగా మార్పు చెందాయి.

దీని గురించి స్వామి నారాయణ్ సంస్థాన్ మహంత్ భగవత్‌ప్రియాదాస్ స్వామి మాట్లాడుతూ.. తమ ఆధ్యాత్మిక గురువు పురుషోత్తమ్‌ప్రియాదాస్ స్వామి సూచనల మేరకు 30 ఏళ్ల కిందట నిర్మితమైన వర్జీనియాలోని పోర్ట్స్‌మౌత్ చర్చ్‌ను కొనుగోలుచేసి ఆలయంగా మార్చనున్నామని తెలిపారు. ఇది వరకే ఇతర మతానికి చెందిన ఆధ్యాత్మిక ప్రదేశం కాబట్టి, దీనికి పెద్ద మార్పులు అవసరం లేదని అన్నారు. వర్జీనియాలో వైష్ణవ భక్తులకు ఇది తొలి ఆలయంగా మారుతుందని భగవత్‌ ప్రియదాస్ వ్యాఖ్యానించారు.

వర్జీనియాలో 10 వేల మంది గుజరాతీలు ఉన్నట్టు స్వామి నారాయణ్ ఆలయ వర్గాల పేర్కొన్నాయి. వీరిలో అత్యధికం ఉత్తర, మధ్య గుజరాత్, కచ్ ప్రాంతాలకు చెందినవారే. ఐదు ఎకరాల స్థలంలో 18,000 చదరపు అడుగల విస్తీర్ణంలో ఈ చర్చ్ నిర్మితమైంది. దాదాపు 150 వరకు ద్విచక్రవాహనాలు నిలిపేందుకు వీలుగా పార్కింగ్ ప్రదేశం ఉంది. చర్చ్‌ మొత్తం విలువ 1.6 మిలియన్ డాలర్లు చెల్లించి కొనుగోలు చేయనున్నారు.