టీఆర్ఎస్ కు షాక్.. సుమన్ ప్రచారాన్ని అడ్డుకున్న ఓదేలు అనుచరులు

Posted: 09/12/2018 12:41 PM IST

తనకు టికెట్ కేటాయించాలని డిమాండ్ చేస్తూ తనకు తానుగా స్వీయ గృహనిర్భంధంలోకి వెళ్లిన చెన్నూరు తాజా మాజీ ఎమ్మెల్యే నల్లాల ఓదేలు.. పార్టీ అధినేత కేసీఆర్ నుంచి ఫోన్ రావడంతో దీక్ష విరమించి హైదరాబాద్ కు పయనమయ్యేందుకు రెడ్డి అయ్యారు. అటు ఓదేలు అధిష్టానం చర్యలతో దిగవచ్చారని భావించి.. చెన్నూరు అసెంబ్లీ నియోజకవర్గంలో ప్రచారానికి వెళ్లిన ఎంపీ బాల్క సుమన్ కు మాత్రం ఆయన అనుచరులు అడ్డుకుని షాక్ తగిలేలా చేశారు.

కొందరు పార్టీ కార్యకర్తలతో టీఆర్ఎస్ అభ్యర్థి బాల్క సుమన్.. ప్రచారానికి వచ్చారన్న వార్తలను తెలుసుకున్న నల్లాల ఓదేలు అనుచరులు.. సుమన్ ప్రచారాన్ని అడ్డుకున్నారు. ఆయనను దాటుకుని వెళ్లేందుకు సమన్ అనుచరులు, పార్టీ కార్యకర్తలు యత్నించిన క్రమంలో నల్లాల ఓదేలు అనుచరుడు గట్టయ్య..  సుమన్ వాహనానికి ఎదురుగా వెళ్లి అడ్డుకోవడంతో పాటు  ఆత్మహత్యాయానికి పాల్పడ్డాడు.

ఒంటిపై పెట్రోల్ పోసుకున్నగట్టయ్య నిప్పంటించుకున్నాడు. ఈ ఘటనలో గట్టయ్యతో పాటు మరో ముగ్గురికి తీవ్ర గాయాలయ్యాయి. ఈ ఘటన ఇందారం గ్రామంలో చోటుచేసుకుంది. ప్రచారానికి వచ్చిన బాల్కసుమన్ ప్రచారాన్ని ఓదేలు అనుచరులు అడ్డుకున్నారు. అంతేకాదు ఓదేలు అనుచరుడు గట్టయ్య పెట్రోల్ పోసుకొని ఆత్మహత్యాయత్నానికి పాల్పడ్డాడు.  వెంటనే అప్రమత్తమైన స్థానికులు వారిని ఆసుపత్రికి తరలించారు.

ఈ ఘటనతో అక్కడి పరిస్థితి ఉద్రిక్తంగా మారింది. భారీ ఎత్తున ట్రాఫిక్ జామ్ అయింది. ఘటన గురించి తెలుసుకున్న ఓదేలు బాధితులకు తన ప్రగాఢ సానుభూతి వ్యక్తం చేశారు. బాల్క సుమన్ కు వ్యతిరేకంగా ఓదేలు మద్దతుదారులు నినాదాలు చేశారు. దీంతో చెన్నూరులో పార్టీ అభ్యర్థి బాల్క సుమన్ కు చేధు అనుభవం ఎదురైంది. మరి ఇప్పటికైనా అధిష్టానం అభ్యర్థి మార్పును చేపడుతుందా.? లేదా.,? అన్నది వేచి చూడాల్సిందే.