ఇంధన ధరలపై నటి రమ్య ట్వీట్లు.. పొట్టచెక్కలు..

Posted: 09/10/2018 01:11 PM IST

మునుపెన్నడూ లేనంతగా అంతకంతకూ పెరుగుతూ జీవితకాల గరిష్ట స్థాయి రికార్డుతో దూసుకుపోతున్న ఇంధన ధరలపై ప్రతిపక్ష పార్టీలు దేశవ్యాప్తంగా భారత్ బంద్ చేపడుతున్న విషయం తెలిసిందే. కాగా అటు భారత్ బంద్ కొనసాగుతున్న క్రమంలో ఎవరికి తోచిన విధంగా వారు పెరుగుతున్న ఇంధన ధరలపై వారి అలోచనలను నెట్టింట్లో పెట్టి సందడి చేస్తున్నారు. అలాంటి వారిలో ప్రముఖ కన్నడ నటి, కాంగ్రెస్ సోషల్ మీడియా హెడ్ రమ్య తనదైన శైలిలో విమర్శలు సంధిస్తున్నారు.

తనలోని హాస్యకోణంలో వీటిని అమె తన ట్విట్టర్ ఖాతాలో పోస్టు చేసినా అది మాత్రం ప్రభుత్వంపై వ్యంగప్రచారానికి దొహదపడుతున్నాయి. ఆ ట్వీట్లను చదివిన నెటి జనులు పొట్ట చెక్కలయ్యేలా నవ్వుకుంటున్నారు. ఇంతకీ అమె పెట్టిన పోస్టుల వివరాలేంటరా.? టీమిండియా ఆల్ రౌండర్ రవీంద్ర జడేజా చివరి టెస్టులో సాధించిన అత్యధిక స్కోరు కంటే పెట్రోల్ ధరలే ఎక్కువగా ఉన్నాయంటూ వ్యంగ్యాస్త్రం విసిరారు. రవీంద్ర జడేజా 86 పరుగులు చేసి రెండో స్థానంలో నిలువగా, పెట్రోల్ ధరలు మాత్రం 87కు చేరి మొదటి స్థానం అక్రమించాయని అమె వ్యంగంగా చేసిన పోస్టు నెట్ జనులను నవ్విస్తుంది.

ఇంధన ధరలపై ప్రతిపక్ష పార్టీలు ఇవాళ భారత్ బంద్ చేపట్టిన నేపథ్యంలో ఆమె ట్విటర్లో స్పందిస్తూ... ‘‘86 పరుగులు చేసిన రవీంద్ర జడేజా అత్యధిక స్కోర్ సాధించిన రెండో ఆటగాడిగా నిలిచాడు. అయితే రూ.87కు దూసుకెళ్లిన పెట్రోల్ అంతకంటే టాప్‌లో కొనసాగుతోంది...’’ అని ఆమె వ్యాఖ్యానించారు. అంతేకాదు.. దంగల్ సినిమాలో అమీర్ ఖాన్ మాదిరిగా పెట్రోల్ ధరలు పెరిగిపోయాయంటూ ఆమె పోస్టు చేసిన మరో ట్వీట్ తెగ వైరల్ అవుతోంది. యూపీఏ హయాంలో అమిర్ ఖాన్ సిక్స్ ప్యాక్‌లో కనిపించినట్టు పెట్రోల్ ధరలు ఉన్నాయనీ.. ఎన్డీయే హయాంలో దంగల్ సినిమాలో అమీర్ ఖాన్ లా ధరలు పెరిగాయని ఆమె పోల్చి చెప్పడంతో నెటిజన్లు నవ్వాపుకోలేకపోతున్నారు.

#MehangiPadiModiSarkar #BharatBandh pic.twitter.com/pRsiMyH4Nf

— Divya Spandana/Ramya (@divyaspandana) September 10, 2018

Ravindra Jadeja at 86 was India's second highest scorer. The highest remains petrol at 87. #EngvInd #MehangiPadiModiSarkar

— Divya Spandana/Ramya (@divyaspandana) September 10, 2018