ITEMVIDEOS: చైతన్యరథం.. నాడు అసెంబ్లీకి.. నేడు అంతిమయాత్రకు..

Posted: 08/29/2018 04:18 PM IST

తెలుగువారి ఆత్మాభిమానం కోసం తెలుగుదేశం పార్టీని నెలకొల్పిన మాజీ ముఖ్యమంత్రి, తెలుగుదేశం పార్టీ వ్యవస్థాపక అధ్యక్షుడు, సినీనటుడు, అంధ్రుల అన్న.. దివంగత ఎన్టీఆర్ చేపట్టిన చైతన్య యత్రలో 72 వేల కిలోమీటర్ల మేర సారధిగా వ్యవహించిన నందమూరి హరికృష్ణ కు అదే చైతన్య యాత్రలో అంతిమయాత్ర నిర్వహించాలని కుటుంబసభ్యులు నిర్ణయించారు. చైతన్య యాత్ర పూర్తయ్యేంత వరకు తండ్రినే వెన్నంటి ఉన్నారు. ఈ చైతన్య రథాన్ని నడిపించే ఎన్టీఆర్ సీఎంగా చేసి అసెంబ్లీకి పంపిన ఆయన.. దానితో వున్న అనుబంధమేమో కాని అదే రథంలో ఆయన అంతిమయాత్ర నిర్వహించనున్నారు.

ఈ చైతన్యరథంతో హరికృష్ణది ప్రత్యేకమైన అనుబంధం. హైదరాబాదులోని నాచారంలో ఉన్న రామకృష్ణ స్టూడియోలో ఈ వాహనాన్ని ఆయన అంతిమయాత్రను నిర్వహించాలని భావించిన కుటుంబసభ్యులు.. అంతిమయాత్ర కోసం దానిని సిద్దం చేస్తున్నారు. రేపు మాసబ్ ట్యాంక్ లోని హరికృష్ణ నివాసంలో ప్రజల సందర్భనార్థం రెండున్నర గంటల వరకు వుంచిన తరువాత అక్కడి నుంచి జూబ్లీహిల్స్ లోని మహాప్రస్తానం వరకు అంతిమయాత్రను నిర్వహించనున్నారు. సాయంత్రం నాలుగు గంటల వరకు హరికృష్ణ అంతిమయాత్ర కొనసాగుతుందని ఆ తరువాత అధికార లాంఛనాల మధ్య హరికృష్ణ అంతిమ సంస్కారాలను ప్రభుత్వం నిర్వహించనుంది.