HC grants burial for Karunanidhi at Marina Beach అన్నాదురై సమాధి పక్కనే కరుణ అంత్యక్రియలు

Marina for karunanidhi stalin breaks down cadres raise slogans

M Karunanidhi, Merina beach, anna durai, DMK, Karunanidhi burial, Periyar, Congress, Madras High Court, AIADMK, Karunanidhi passes away, Karunanidhi no more, Karunanidhi dies at 94, Karunanidhi death, M Karunanidhi, Kauvery Hospital, Kalaignar, dmk, stalin, CM Palanisamy, tamil nadu

Madras HC gave permission to DMK to bury Karunanidhi at the Anna Memorial on Marina Beach. Earlier, the AIADMK-led state government had denied them the permission, leading to a protracted overnight legal battle.

రాజకీయ గురువు అన్నాదురై సమాధి పక్కనే కరుణ అంత్యక్రియలు

Posted: 08/08/2018 11:44 AM IST
Marina for karunanidhi stalin breaks down cadres raise slogans

తమిళనాడు మాజీ ముఖ్యమంత్రి, ఢీఎంకే అధినేత, కళైంజ్ఞర్ కరుణానిధి అంత్యక్రియలను మెరినా బీచ్ లో నిర్వహించేందుకు రాష్ట్ర అత్యున్నత న్యాయస్థానం మద్రాసు హైకోర్టు ఇవాళ ఉదయం అనుమతిని మంజూరు చేసింది. ఈ విషయం తెలిసిన వెంటనే రాజాజీ హాలు వద్దనున్న డీఎంకే వర్కింగ్ ప్రెసిడెంట్.. కరుణానిధి చిన్న కుమారుడు స్టాలిన్ భావోద్వేగంతో కంటతడి పెట్టారు. దీంతో అక్కడ పెద్ద సంఖ్యలో వున్న పార్టీ కార్యకర్తలు, అభిమానులకు విషయం తెలియడంతో వారంతా పెద్దపెట్టున నినాదాలు చేశారు.

రెండు వైపుల నుంచి ఉత్కంఠకరమైన వాదనలను విన్న న్యాయస్థానం.. చివరకు ప్రభుత్వ వాదనను తోసిపుచ్చుతూ కరుణానిధి అంత్యక్రియలను చెన్నైలోని మెరినా బీచ్ లో వున్న అన్నాదురై సమాధి వద్ద నిర్వహించేందుకు అనుమతిని మంజూరు చేసింది. దీంతో తమ ప్రియనేత అంత్యక్రియలను మెరీనా బీచ్ లో చేయాలన్న కోట్లాది మంది డీఎంకే కార్యకర్తలు, అభిమానుల కల నెరవేరనుంది. ఈ సందర్భంగా ప్రభుత్వం తరుపున వాదనలు వినిపించిన న్యాయవాది.. న్యాయస్థానంలో కేసులు పెండింగ్ లోవున్నాయని కోర్టు దృష్టికి తీసుకువచ్చారు. దీంతో సమస్యలు ఉత్పన్నమయ్యే అవకాశం వుందని కూడా తెలిపారు.

ప్రభుత్వం తరపు న్యాయవాది వాదనలు విన్న న్యాయస్థానం బీచ్ లో అంత్యక్రియలకు వ్యతిరేకంగా వేసిన పిటిషన్లన్నింటినీ కోర్టు కొట్టివేసింది. బీచ్ లో అంత్యక్రియలకు అభ్యంతరం లేదన్న పిటిషన్ దారుల నిర్ణయాన్ని పరిగణనలోకి తీసుకుంటున్నామని చెప్పింది. దీంతో మెరీనా బీచ్ లో కరుణానిధి అంత్యక్రియలకు మార్గం సుగమమైంది. ప్రస్తుతం ప్రభుత్వం దాఖలు చేసిన అఫిడవిట్ పై వాదనలు సాగుతుండగా, వీటిపై త్వరలో తుది తీర్పు వెలువడనుంది. కరుణానిధి పార్థివదేహాన్ని ఉంచిన రాజాజీ హాల్ ప్రాంతంలో ఇదే విషయాన్ని మైకుల ద్వారా కార్యకర్తలకు చెప్పడంతో వారిలో ఆనందం పెల్లుబికింది.

కాగా, అంతకుముందు అన్నాదురై సమాధి పక్కనే కరుణ అంత్యక్రియలు చేసేందుకు అనుమతించాలని డిఎంకే నేతలు తమిళనాడు ముఖ్యమంత్రి పళనిస్వామిని కోరారు. అయితే అందుకు ఆయన అనుమతించలేదని.. న్యాయస్థానంలో ఈ విషయమై అనేక కేసులు పెండింగ్ లో వున్నాయని.. దీంతో తాము అనుమతించలేమని.. అనుమతిస్తే న్యాయపరమైన చిక్కులు ఉత్పన్నమవుతాయని తెలిపినట్లు సమాచారం. అయితే గిండిలో రెండు ఎకరాల స్థలం కేటాయిస్తామని కరుణ కుటుంబసభ్యులకు తమిళనాడు ప్రభుత్వం చెప్పినట్టు తెలుస్తోంది. దీంతో మద్రాసు హైకోర్టును అశ్రయించిన డీఎంకే వర్గాలకు సానుకూలంగా మద్రాసు హైకోర్టును తీర్పును వెలువరించింది.

If you enjoyed this Post, Sign up for Newsletter

(And get your daily news straight to your inbox)

Rate This Article
(0 votes)
Tags : Karunanidhi  Merina beach  Anna Durai  Periyar  DMK  Madras High Court  AIADMK  tamil nadu  

Other Articles

Today on Telugu Wishesh