ITEMVIDEOS: మాక్ డ్రిల్ లో విషాదం.. విద్యార్థిని మృతి..

Posted: 07/13/2018 10:27 AM IST

తమిళనాడు, కోయంబత్తూరులో విషాదం చోటుచేసుకుంది. కోయంబత్తూరులోని ఓ ప్రైవేటు కళాశాలలో నిర్వహించిన మాక్ డ్రిల్ లో అపశృతి చోటుచేసుకుని ఓ విద్యార్థిని నిండు ప్రాణాన్ని బలిగొంది. ఉగ్రవాద చర్యలు జరిగినప్పుడు, లేదా అనుకోకుండా ప్రమాదాల వలయంలో చిక్కుకున్న తరుణంలో విద్యార్థులు ఆ పరిస్థితుల నుంచి ఎలా బయట పడాలన్న విధానాన్ని విద్యార్థులకు తెలియజెప్పేందుకు నిర్వహించిన మాక్ డ్రిల్ లో ఈ ఘటన చోటుచేసుకుంది. విద్యార్థులందరి సమక్షంలో ఈ ఘటన జరగడంతో.. కలేజీలో విషాద వాతావరణం అలుముకుంది.

వివరాల్లోకి వెళ్తే.. కోయంబత్తూరులోని కళైమగన్ ఆర్ట్స్ కళాశాలలో మాక్ ( సెఫ్టీ) డ్రిల్ కార్యక్రమాన్ని ఏర్పాటు చేశారు. ఇందులో భాగంగా కింద విద్యార్థులంతా ఓ నెట్ పట్టుకుని నిలుచుండగా, రెండో అంతస్తు నుంచి లోకేశ్వరి అనే విద్యార్థిని కిందకు దూకేందుకు అంగీకరించింది. అయితే అమె రెండో అంతస్థు నుంచి దూకే సమయంలో మాత్రం కొంత భయానికి గురైంది. ఇంతలో మాక్ డ్రిల్ ట్రయినర్ ఆమెను "దూకేయ్.. దూకేయ్" అంటూ ప్రోత్సహించాడు. లోకేశ్వరి భయపడుతుంటే కిందకు నెట్టేశాడు.

ఒక్కసారిగా నెట్టివేయడంతో అమెకు అదుపు తప్పింది. దూరంగా దూకాల్సిన అమె.. అలా కాకుండా అనుకోకుండా ప్రమాదవశాత్తు కింద పడినట్లుగా పడటంతో అమె తల మొదటి అంతస్తుకు ఉన్న సన్ షేడ్ (సజ్జా)కు బలంగా తాకింది. ఈ ఘటనలో తీవ్రంగా గాయపడిన ఆమె చికిత్స పొందుతూ మరణించగా, నిర్లక్ష్యంగా వ్యవహరించాడన్న ఆరోపణలపై మాక్ డ్రిల్ ట్రయినర్ ను పోలీసులు అరెస్ట్ చేశారు. ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది.