అక్షయ తృతీయ: బంగారం కొనేందుకు భలే మంచి భేరాలు

Posted: 04/17/2018 05:33 PM IST

Akshaya tritiya 2018 the best offers on gold diamond jewellery

అక్షయ తృతీయ రోజున బంగారం కొనుగోలుకు చేస్తే మంచి జరుగుతుందని, ఇక ఏడాది పాటు బంగారం కొంటూనే వుంటామని కొందరు విశ్వసిస్తారు. ఈ శుభదినాన పసిడిని కొనుగోలు చేసేందుకు అందరూ ఇష్టపడతారు. ఉత్తర భారత దేశానికి చెందిన ఈ అనవాయితీ క్రమంగా దక్షిణాదికి కూడా పాకి.. మహిళలను బంగారు వజ్రాభరణ దుకాణాల వైపు పరుగులు పెట్టిస్తుంది. ఇక మహిళామణుల నమ్మకాన్ని తమకు అనుగూణంగా అన్వయించుకున్న బంగారు వ్యాపారులు.. తమ అమ్మకాలకు ఇది ఓ చక్కని అవకాశంగా మలుచుకుంటున్నారు. ఇక తమ షాపులోనికే మహిళామణులు రావాలని వారికి ఆఫర్లను కూడా ప్రకటిస్తున్నారు.

* బంగారం, వజ్రాభరణాల తయారీ చార్జీలపై 25 శాతం తగ్గింపును తనిష్క్ ప్రకటించింది. ఈ నెల 18 వరకే ఈ అవకాశం. పాత బంగారాన్ని ఇచ్చి ఎటువంటి తరుగు లేకుండా 100 శాతం ఎక్చేంజ్ చేసుకోవచ్చు.

* మలబార్ గోల్డ్ ప్రతీ రూ.15,000 విలువ చేసే బంగారం ఆభరణాల కొనుగోలుపై 150 మిల్లీగ్రాముల బరువుగల ఒక బంగారం కాయిన్ ను ఉచితంగా అందిస్తోంది. దీనికి అదనంగా కొనుగోలులో 5 శాతం విలువకు సరిపడా గిఫ్ట్ కార్డు లభిస్తుంది. కనీస ఆర్డర్ రూ.15,000 ఉండాలి. తదుపరి కొనుగోలుపై ఈ కార్డును వాడుకోవచ్చు. ఆఫర్లు ఈ నెల 25 వరకు ఉంటాయి.

* అత్యంత తక్కువ ధరలకే తాము బంగారు నాణేలాను అందిస్తామని, దీనికి తోడు వాటిపై రమారమి 7 శాతం వరకు రాయితీ కూడా ఇస్తామని పీసీ జ్యూవలరీ సంస్థ ప్రకటించింది. అయితే మధ్యాహ్నం 12 గంటల వరకు బుక్ చేస్తే మాత్రం అదే రోజున షిఫింగ్ కు అర్డర్ చేస్తారని ఈ కంపెనీ వెబ్ సైట్ లో పేర్కోనింది.

* ఇక ఈ కామర్స్ సంస్థ ఫ్లిప్ కార్ట్ సైతం రూ.19,999 విలువైన ఆభరణాలు కొంటే వజ్రాభరణాలపై 70 శాతం వరకు తగ్గింపును ఆఫర్ చేస్తోంది.