ITEMVIDEOS: అమ్మాయిపై పంజా విసిరిన మృగరాజు..

Posted: 03/10/2018 10:35 AM IST

పవిత్రమైన పండగ పర్వదినాన ఓ చిన్నారికి భయానక అనుభవం ఎదురైంది. పిల్లలో వన్యజీవులంటూ భయం లేకుండా చేసేందుకు సౌదీ అరేబియాలోని జిద్దా పండగ పర్వదినం రోజున ప్రత్యేకమైన ఏర్పాట్లు, కట్టుదిట్టమైన భద్రతల నడుమ విద్యార్ధులను.. ఎన్ క్లోజర్ల మధ్య స్వేచ్చగా వుండే వన్యప్రాణుల మధ్యకు పంపుతారు. ఈ ఎన్ క్లోజర్లలో సింహాలు, పులులను ప్రదర్శనకు పెడతారు. దీంతో వాటిని చూసేందుకు పిల్లలు అధిక సంఖ్యలో వచ్చి తమ ముచ్చట తీర్చకుంటారు.

ఇలా ఓ సింహాన్ని చూసి ముచ్చటపడి దానిచుట్టూ తిరిగి విసుగు తెప్పించిన ఓ చిన్నారిపై ఆ సింహానికి కోపం వచ్చినట్లువుంది. తనతనే చెలగాటాలు అడుకుంటారా అన్నట్లుగా అగ్రహంతో ఊగిపోయింది, అయినా తన ట్రైయినర్ తన పక్కనే వున్నాడన్న భయంతో కొంత సహనాన్ని ప్రదర్శించింది. అప్పటికే ఆ చిన్నారి ఊరుకోకుండా.. దాని వైపునకు రెండు చేతులూ చూపిస్తూ, అది ఏమీ చేయలేదన్నట్లుగా దానిని రెచ్చగొట్టింది.

ఇంకేముంది.. విసుగెత్తిపోయిన సింహం ఆ అమ్మాయిని పట్టుకుని, దాడి చేయబోయింది. దీంతో, అక్కడున్న పిల్లలంతా భయంతో వణికిపోయి కేకలు వేశారు. ఒక్కసారిగా అక్కడ భీతావాహ వాతావరణం అలుముకుంది. వెంటనే రంగంలోకి దిగిన ట్రైనర్ ఆ సింహాన్ని పక్కకు లాగడంతో ప్రమాదం తప్పింది. ఆ పిల్లలను ఎన్‌క్లోజర్‌లోకి పంపిన ట్రైనర్‌ను ఉద్యోగం నుంచి సస్పెండ్ చేశారు. ఈ ఘటనకు సంబంధించిన వీడియోను మీరూ చూడండి..