ఎయిర్ టెల్ నుంచి అత్యంత చౌవకైన ప్లాన్..

Posted: 02/12/2018 01:32 PM IST

టెలికాం రంగంలో పెనుసంచలనాలకు తెరతీసీన రిలయన్స్ జియో.. తమ కస్టమర్లను అకర్షించడమే లక్ష్యంగా పెట్టుకుందని భావిస్తున్న టెలికాం సంస్థలు.. జియో ఆఫర్లకు దీటుగా బ్రమ్మండమైన ఆఫర్లను కస్టమర్ల ముంగిట్లోకి తీసుకువస్తున్నాయి. ఈ క్రమంలో టెలికాం దిగ్గజ సంస్థల్లో అగ్రగామిగా వెలుగొందుతున్న భారతి ఎయిర్ టెల్ మరో అడుగు ముందుకేసి.. కస్టమర్లను తమ వైపుకు తిప్పుకునే ప్రయత్నం చేస్తుంది.

గతేడాది డిసెంబర్ మాసంలో తీసుకువచ్చిన రూ.93 ప్లాన్ ను మరోమారు ఖాతాదారుల ముందుకు తీసుకువచ్చింది. గతంలో కేవలం పదిరోజుల కాలపరిమితితో వచ్చిన ఈ ప్లాన్ ను తాజాగా నాలుగువారాలకు పొగడిస్తూ తీసుకువచ్చింది. తాజా రూ. 93 ప్లాన్ ప్రకారం వినియోగదారులకు 1జీబి 3జి/4జి డేటా లభిస్తుంది. ఇంకా 28 రోజుల కాలపరిమితితో పాటు అపరిమిత కాలింగ్ (లోకల్, ఎస్టీడి & రోమింగ్) మరియు ప్రతిరోజూ 100ఎస్ఎంఎస్ లు పొందుతారని ఆ సంస్థ వెల్లడించింది.