గొంతుకోసి అతిదారుణంగా జానపద గాయని హత్య..

Posted: 01/19/2018 09:59 AM IST

Haryana folk singer mamta sharma found murdered in field in rohtak

హర్యానా గాయని మమతా శర్మ అదృశ్యఘటన విషాదాంతమైంది. కొన్న రోజుల క్రితం అదృశ్యమైన ఈ గాయని ఏకంగా రాష్ట్ర ముఖ్యమంత్రి మనోహర్ లాల్ ఖట్టర్ సొంత జిల్లా రోహ్ తక్ లోని ఆయన స్వగ్రామం బనియానీకి సమీపంలో ఆయనకు చెందిన పోలాలకు కొంత దూరంలో మృతదేహమై కనిపించడం తీవ్ర కలకలాన్ని రేపింది. గడచిన ఆదివారం నాడు తన స్నేహితుడు మోహిత్ కుమార్ తో ఓ పాట కచేరిలో పాల్గొనేందుకు వెళ్లిన ఆమె, ఆపై ఇంటికి రాలేదు. ఆమె మృతదేహం గ్రామ సమీపంలోని పొలాల్లో కనిపించింది.

సమాచారం అందుకున్న పోలీసులు కేసు నమోదు చేయగా, ఆదివారం ఉదయం 8 గంటల సమయంలో మోహిత్ తో కలసి సోనిపట్ జిల్లాలోని గోహనా పట్టణంలో ప్రదర్శనకు ఆమె వెళ్లగా, ఆపై 10.30 గంటల సమయంలో మోహిత్, మమత కుటుంబీకులకు కాల్ చేసి, ఆమె మరి కొందరితో కలసి ఇంకో కారులో వెళ్లిందని చెప్పాడు. వారు తనకు తెలుసునని, ఈవెంట్ వద్ద కలుస్తానని ఆమె చెప్పిందని, కానీ ఆమె అక్కడికి రాలేదని సమాచారం ఇచ్చాడు.

వెంటనే ఆమె సెల్ ఫోన్ కు రింగ్ ఇస్తే, ఫోన్ రింగ్ అయినా ఎవరూ ఎత్తలేదు. ఆపై సోమవారం ఉదయానికి స్విచ్చాఫ్ వచ్చింది. దీంతో అందోళనకు గురైన మమత కుటుంబ సభ్యులు ఈ విషయమై వెనువెంటనే పోలీసులకు పిర్యాదు చేశారు. అయితే పోలీసుల వెంటనే స్పందించి చర్యలు తీసుకుని వుంటే మమత దారుణ హత్యకు గురైయ్యేది కాదని, కుటుంబసభ్యులు అరోపిస్తున్నారు. అయితే పోలీసులు మాత్రం మమతతో కారులో వెళ్లిన వారెవరన్న విషయంలో విచారిస్తున్నామని.. ఈ క్రమంలో అమె విగతజీవిగా కనిపించిందని అంటున్నారు.