ఆధార్ నెంబరు తెలిస్తే చాలు.. బ్యాంకు వివరాలు అందుబాటులోకి

Posted: 01/10/2018 02:02 PM IST

Your aadhaar number can see which bank you have an account

మీ అధార్ నెంబరు ఎవరికైనా తెలుసా.. అయితే తస్మాత్ జాగ్రత్త సుమా.. ఎందుకంటారా.. అధార్ నెంబరు ఒక్కటి తెలిస్తే చాలు.. ఇక మీ బ్యాంకు అకౌంట్లు ఏయే బ్యాంకుల్లో వున్నాయన్న విషయం కూడా ఇట్టే తెలిసిపోతుంది. అది కూడా మీ రిజిస్టర్ మొబైల్ నెంబరు అవసరం లేకుండా.. లేదా ఒటిపి ( వన్ టైం పాస్ వర్డ్) లేకుండానే ఇకపై ఎవరి వివరాలనైనా తెలుసుకునే అవకాశం వుంది. అయితే వారి అధార్ నెంబరు తెలిస్తే సరిపోతుంది.

యూఐడిఏఐ ఉడాయ్ లో ఈ లోపాన్ని గుర్తించిన టెక్కీలు.. ఈ విషయాన్ని సంబంధిత అధికారులకు చేర్చేందుకు కూడా ప్రయత్నాలు చేస్తున్నారు. ఇలా అయితే అకౌంట్ ఏయే బ్యాంకుల్లో వుందో తెలుసిపోతున్న క్రమంలో హ్యాకర్లు తమ అకౌంట్లను కూడా హ్యాక్ చేసి డబ్బులను డ్రా చేసుకునే అవకాశాలు కూడా వున్నాయన్న అందోళనలో ఖాతాదారులు బెంబెలెత్తిపోతున్నారు.

అయితే వాస్తవానికి అధార్ కార్డుదారులు తాము ఏయే బ్యాంకులకు అధార్ నెంబరును అనుసంధానించామన్న విషయాలను తెలుసుకునేందుకు అధార్ బ్యాంక్ మేఫర్ వైబ్ సైట్ ద్వారా అవకాశాన్ని కల్పించింది. కాగా, ఈ వివరాలను తెలుసుకునేందుకు ఖాతాదారులు తమ రిజిస్టర్డ్ మొబైల్ ను వినియోగించాల్సి వుంటుంది. రిజిస్టర్ మొబైల్ వినియోగించినప్పటికీ.. భద్రతపై అనుమానాలు వున్న క్రమంలో ఒటిపీని కూడా ప్రవేశపెట్టనున్నట్లు పేర్కొనింది. కాగా ఇప్పుడు అవేమీ లేకుండానే వివరాలన్నీ స్పష్టంగా కనిపిస్తున్నాయి.

అదెలా.. అంటున్నారా..? లేక మీరు ఓ సారి ప్రయత్నించి నిజానిజాలను తెలుసుకోవాలని భావిస్తున్నారా..? అయితే మీ ఫోన్ నుంచి *99*99*1# అని టైప్ చేయండీ. ఆపై తెరపై కనిపించే డైలాగ్ బాక్సులో మీ ఆధార్ సంఖ్యను ఎంటర్ చేయండి. ఇక నెంబర్ సరిచూసుకుని కన్ఫర్మ్ చేయండి. అంతే తెరపై చూస్తే ఏఏ బ్యాంకు ఖాతాలకు ఆధార్ అనుసంధానమై ఉన్నాయో మీ ఫోన్ తెరపై అవిష్కృతమౌతుంది. దీంతోనే ఖాతాదారులు అందోళన చెందుతున్నారు.