ITEMVIDEOS:దేశానికి కొత్త రక్తం కావాలి : పవన్

Posted: 12/06/2017 04:23 PM IST

తన మనస్సాక్షికి సమాధానం చెప్పుకునేందుకే తాను రాజకీయాల్లోకి వచ్చానే తప్ప మరే ఉద్దేశం లేదని పవన్ కళ్యాణ్ చెప్పారు. పోర్టు కళావాణి ఆడిటోరియంలో ఆయన ప్రసంగిస్తూ... సినిమాల వల్ల వ్య‌వ‌స్థ‌లో మార్పురాద‌ని స్పష్టం చేశారు. వ్య‌వ‌స్థ‌లో స‌మూల మార్పులు చేయ‌లేక‌పోవ‌చ్చు కానీ, కొంత‌యినా మార్చుతానన్న ధీమా ఆయన వ్యక్తం చేశారు.

తన‌కు రాజకీయాల్లోకి రావాల‌ని ఉంద‌ని 2003లో త‌న‌ అమ్మానాన్న‌ల‌కి చెప్పానని అన్నారు. తాను బీజేపీ, టీడీపీ ప‌క్షం కాదని ప్ర‌జ‌ల ప‌క్షం అని అన్నారు. సినిమా త‌న‌కు అన్నం పెట్టిందని, రాజ‌కీయ వ్యవ‌స్థ బాగుంటే తాను రాజ‌కీయాల్లోకి వ‌చ్చేవాడిని కాద‌ని ప‌వ‌న్ చెప్పుకొచ్చారు. తాను రాజ‌కీయాల్లోకి వ‌చ్చింది ఏదో సాధించ‌డానికి కాదని అన్నారు. తన‌కు లాల్ బ‌హ‌దూర్ శాస్త్రి, స‌ర్దార్ ప‌టేల్, నెహ్రూ, అంబేద్క‌ర్ స్ఫూర్తి అని అన్నారు. మ‌న ఆలోచ‌న‌లు వేరు వేరుగా ఉండొచ్చని, లోప‌ల త‌ప‌న మాత్రం ఒకటే ఉంటుందని అన్నారు. జ‌గ‌మంత కుటుంబం మ‌న‌ది, వ‌సుదైక కుటుంబం మనది అని ఆయ‌న చెప్పుకొచ్చారు.

దేశ రాజ‌కీయాల‌కు కొత్త రక్తం కావాలని అన్నారు. మారాల‌ని చెబితే ఎవ్వ‌రూ మార‌రని, మ‌నం మంచి దారిలో న‌డిచి చూపిస్తే మ‌న‌ల్ని చూసి మార‌తారని అన్నారు.