ITEMVIDEOS: నాగార్జున సోదరిని మోసం చేసిన వ్యాపారిపై కేసు

Posted: 11/18/2017 02:21 PM IST

Naga susheela files cheating case against srinivas and 13 others

హీరో నాగార్జున మేనల్లుడు సుశాంత్ నటించిన నాలుగు చిత్రాలకు దర్శకుడిగా వ్యవహరించిన చింతలపూడి శ్రీనివాస్ పై పంజాగుట్ట పోలిస్ స్టేషన్ లో కేసు నమోదైంది. భాగస్వామ్య వ్యాపారంలో తనకు తెలియకకుండా తనకు చెందిన భూములను విక్రయించి.. మోసం చేశారంటూ నాగార్జున సోదరి నాగసుశీల.. చింతలపూడి శ్రీనివాస్ పై పంజాగుట్ట పోలీస్ స్టేషన్ లో ఫిర్యాదు చేశారు. దీంతో శ్రీనివాస్ తో పాటుగా మొత్తంగా 13 మందిపై కేసు నమోదు చేసిన పోలిసులు దర్యాప్తు ప్రారంభించారు.

వీరిద్దరూ 12 ఏళ్లుగా వ్యాపార భాగస్వాములుగా ఉన్నారు. శ్రీనాగ్ ప్రొడక్షన్ కంపెనీ పేరుతో వీరిద్దరూ కలసి సినిమాలను కూడా నిర్మించారు. నాగ సుశీల కుమారుడు సుశాంత్ హీరోగా ఆటాడుకుందాం రా, కాళిదాసు, కరెంట్, అడ్డా తదితర చిత్రాలను తెరకెక్కించారు. ఇద్దరూ కలసి రియలెస్టేట్ వ్యాపారాలు కూడా చేశారు. అయితే, గత ఏడాది కాలంగా ఇద్దరి మధ్య విభేదాలు ఉన్నాయి.

ఇటీవల తెరకెక్కిన 'ఆటాడుకుందాం రా' సినిమా విషయంలో వివాదం తలెత్తినట్టు తెలుస్తోంది. నాగార్జున చొరవతో ఇద్దరి మధ్య రాజీ ప్రయత్నాలు జరిగినా, అవి ఫలించలేదు. వీరి విభేదాలకు సంబంధించి ఓ కేసు హైకోర్టులో పెండింగ్ లో ఉంది. కేసు కోర్టులో ఉండగానే ఆయనపై నాగ సుశీల పోలీస్ స్టేషన్ లో ఫిర్యాదు చేశారు. చీటింగ్ చేశారంటూ శ్రీనివాస్ తో పాటు మరో 13 మందిపై ఆమె కేసు పెట్టారు. కాగా, మరో నాలుగు రోజుల తరువాత తాను బయటకు వస్తాని, అప్పుడు అన్ని విషయాలను మీడియా ముందుకు వచ్చి చెబుతానని శ్రీనివాస్ తెలిపారు.