ITEMVIDEOS: సపర్యలు చేయించుకున్న ఏఎస్ఐ హసన్ సస్పెన్షన్

Posted: 11/14/2017 02:46 PM IST

తెలంగాణలోని జోగుళాంబ గద్వాల జిల్లాలో చోటుచేసుకున్న ఆర్డర్లీ విధానంపై తీవ్రస్థాయిలో విమర్శలు రావడంతో పోలీసు ఉన్నతాధికారులు చర్యలు తీసుకున్నారు. గద్వాలలోని సాయుధ రిజర్వ్ ఏఎస్ఐగా పని చేస్తున్న హసన్ పై ఉన్నతాధికారులు సస్సెన్షన్ వేటు వేశారు. గద్వాల జిల్లా రేంజ్ ఐజీ స్టీఫెన్ రవీంద్ర హసన్ ను తక్షణం విధుల నుంచి తప్పిస్తున్నట్లు ప్రకటించారు. మహిళా హోంగార్డ్ తో మసాజ్ చేయించుకుంటున్న వీడియో సోషల్ మీడియాలో వైరల్ కావడంతో హసన్ పై ఉన్నతాధికారులు చర్యలు తీసుకున్నారు.

ఈ ఘటనపై జిల్లా ఎస్పీ విజయ్ కుమార్ చేపట్టిన విచారణలో హసన్ ఇలాంటి పనులు చేయించుకున్నట్టు తేలిందని సమాచారం. దీంతో తక్షణం హసన్ ను సస్పెండ్ చేస్తున్నట్టు ప్రకటించారు. అయితే హసన్ తన కింద పనిచేసే మహిళా హోంగార్డుల చేత ప్రతినిత్యం ఇలా మసాజ్ చేయించుకుంటున్నారని, కొందరు హోంగార్డులు కావాలని అతడి చేష్టలను ఉన్నతాధికారులకు తెలియజేసేలా రహస్య కెమెరాలను అమర్చారు. దీంతో వాటికి చిక్కిన హసన్.. సస్పెన్షన్ కు గురయ్యాడు. ఇక ఆ వీడియోపై మీరూ ఓ లుక్కేయండీ..