AP Special Status Fight Back Again | ప్రత్యేక హోదా పోరు ఉధృతం.. పార్టీల భేటీలు దేని కోసం?

Ap special status movement raise again

Andhra Pradesh Special Status, Actor Shivaji Special Status, CPI Ramakrishna Pawan Kalyan, Pawan Kalyan Special Status, Kurnool Rountable Meet Special Status, Rajamaundrhy Special Status Fight, Undavalli Arun Kumar Special Status

Andhra Pradesh Special Status Fight Back Again. Rountable Meet Along with Andhra Medhavulu Sanghma and also All-party Meeting In Rajahmundry For AP Special Status.

మళ్లీ తెరపైకి ప్రత్యేక హోదా పోరాటం

Posted: 11/13/2017 09:35 AM IST
Ap special status movement raise again

ప్రత్యేక హోదా నినాదం మరోసారి ఉద్యమ రూపకంగా మారబోతోంది. ఏపీ ప్రజల హక్కు ప్రత్యేక హోదా అన్న నినాదంతో ఈ నెల 20న చలో అసెంబ్లీ కార్యక్రమాన్ని చేపడుతున్నట్టు సినీ నటుడు ప్రకటించారు. విభజన సమస్యలు, ప్రత్యేక హోదా అంశంపై కర్నూలులో ఆదివారం రౌండ్ టేబుల్ సమావేశం జరిగింది. ఈ భేటీకి సీపీఐ నేత రామకృష్ణ, ఆంధ్ర మేధావుల సంఘం అధ్యక్షుడు చలసాని శ్రీనివాస్, సినీ నటుడు శివాజీ తదితరులు హాజరయ్యారు.

ప్రత్యేక హోదాను సాధించడానికి వైసీపీ అధినేత జగన్, జనసేన అధినేత పవన్ కళ్యాణ్ లు నడుం బిగించాలని ఈ సందర్భంగా వాళ్లు పిలుపునిచ్చారు. ప్రత్యేక ప్యాకేజీతో ఇప్పటిదాకా రాష్ట్రానికి ఒరిగేది ఏమీ లేదని.. హోదాతోనే అన్ని రంగాల్లో రాష్ట్రం ముందడుగు వేస్తుందని వారు చెప్పారు. ఇక రాబోయే ఎన్నికల్లో ప్రత్యేక హోదానే కీలక అంశంగా మారబోతోందని... ప్రత్యేక ప్యాకేజీ అన్నవాళ్లు భూస్థాపితమవుతారని జోస్యం చెప్పారు.

విభజనతో నష్టపోయిన ఏపీ రాష్ట్రం అన్ని విధాలా ముందుకు సాగాలంటే ప్రత్యేక హోదా చాలా అవసరమని సీపీఐ నేత రామకృష్ణ అన్నారు.ఇప్పుడు ఉన్న ఎంపీల్లో 72 శాతం మంది వ్యాపారస్తులే ఉన్నారని... పేదల కష్టాలు వీరికెలా తెలుస్తాయని ఆవేదన వ్యక్తం చేశారు. ఇక సాయంత్రం రాజమండ్రిలోనూ సీీపీఐ ఆధ్వర్యంలో ఆల్ పార్టీ మీటింగ్ జరగ్గా.. అందులో ఉండవల్లి అరుణ్ కుమార్ పాల్గొన్నారు.

పవన్ వస్తే ఊపు రావటం ఖాయం.. రామకృష్ణ

జనసేన అధినేత పవన్ కళ్యాణ్ ప్రత్యేక హోదా కోసం పోరాడాల్సిన సమయం వచ్చిందని సీపీఐ నేత రామకృష్ణ తెలిపారు. తాము చేపడుతున్న 'చలో అసెంబ్లీ' కార్యక్రమానికి పవన్ కూడా కలిసి రావాలని కోరారు. పవన్ కూడా ఇందులో భాగస్వామి అయితే... పోరాటానికి ఊపు వస్తుందని రామకృష్ణ చెప్పారు.

If you enjoyed this Post, Sign up for Newsletter

(And get your daily news straight to your inbox)

Other Articles

Today on Telugu Wishesh